amalinks wokungena

Breaking News

Umanyano weSADC Uyahlangana Uhlafuna Udaba lweZimbabwe


Amalunga ogatsha olubona ngezomvikela kumanyano weSouthern African Development Community (SAADC) ayahlangana kwele Botswana namuhla lapho akhulumisana khona ngokuhluthunwa kwentambo zombuso libutho.

Umhlangano lo ubizwe ngesiphangiphangi njalo uzangenwa yiziphathamandla zamazwe abalisa eleAngola, eleTanzania kanye leleZambia.

Uzangenwa njalo yisithunywa sikaMongameli Jacob Zuma waseSouth Africa, ongumgcinisihlalo njalo weSADC.

Embikweni awethule izolo, uZuma uthe uthumele iqula eZimbabwe ukuyahlangana loMugabe lenkokheli yebutho. Uthe ukhathazekile kakhulu ngomumo okhona.

Khona kuyini okungenziwa yiSADC ukulungisisa loludaba?

“Umthehto weSADC okhangelane lodaba olunje uvele usegcekeni. Nxa kuthe kwenzakala into enje, bande ukuthi bakhuthaze ibutho ukuthi libuyisele intambo zombuso,” kutsho ingcwethi kwezombusazw uMnu. Nkululeko Sibanda.

USibanda wengeze wathi iSADC izazama ukukhulumisana lebutho leZimbabwe loMugabe, kuthi nxa sokwehlule beselithumela ibutho layo eZimbabwe.

please wait

No media source currently available

0:00 0:02:06 0:00
XS
SM
MD
LG