Sokulezizalwane zeZimbabwe ezihlala kwele Bhilthani ezinengi kulezinsuku esezilahlele amasiko lemvelo eceleni ziphila impilo yokuthandana lalabo abafana labo.
Kwele Bhilithani kusemthethweni ukuthi owesilisa atshade lomunye owesilisa kukanti lowesifazana enze okufanayo benganakile.
Inengi lalabantu lithi imizimba yabo ibisesimeni esingaso sabo besahlala eZimbabwe yikho nje sebephuma mgceke lapho abami khona kwezocansi bekhululekile ngoba eZimbabwe kulicala ukwenzanjalo.
UNkosazana Minenhle Nkala uthi yena vele wayesizwa ukuthi ungowesilisa emzimbeni wakhe esakhula.
“Ngangiyisigqili ngisekhaya ngazala umntwana lendoda ngizizwa ukuthi angilamizwa yendoda. Amafeelings ami ayevele esemankazaneni. Ngaba lenhlanhla enkulu ngakhona ukubuya eEngland and I managed ukuthola ucheri omuhle. Now sengitshadile and my partner is also from Zim so we are happy. Ngitshande mhlaka 14 February.”
Omunye laye owesifazana okhangelele ukutshada ekupheleni kwalumnyaka lentombazane yaseKenya nguNkosazana Tsitsi Banda yena othi kesabi lutho.
“Mina angiphileli muntu, ngiright ukuthandana lomunye umfazi. I found out ukuthi abafazi balothando olungcono kulamadoda. eBritain kumnandi umthetho uyasivumela to have same sex marriage hayi ukuncindezelwa eZimbabwe. I'm a happy woman for have a relationship with another woman ongafiniyo kayekele.”
Asobesifazana bodwa asebethathana kulezinsuku, labesilisa labo kulabenza okufanayo. UMnu. Themba Mthethwa ngomunye wabathi kabuyeli emuva, abesifazana phansi kwakhe hatshi uthando lwakhe sowalupha omunye owesilisa.
“Mina ngangincindezekile ngisekhaya ngaseZimbabwe, ngangisazi ukuthi vele mina ngithanda amadoda kodwa kwakunzima ekhaya ngoba kungavunyelwa. Ngathi ngokubuya lapha kulelilizwe eEngland ngafika ngahlangana lomunye wami ovela ngaseGhana satshada lakhathesi lokhu sisonke.”
Izizalwane zeZimbabwe zithi zahlupheka kakhulu zisahlala ekhaya ngoba zingakhoni ukwenza umathanda kwezocansi ngokwesaba ukubotshwa kunye lenhloni kuzihlobo labangane. Ukuhlala kweleBhilithane sebetanyasa, kukokhethomthandayo, ndoda endodeni, umfazi emfazini ungagqize qhakala ngoba kulel’ilizwe akuzili.