amalinks wokungena

Breaking News

Sebelitshumi Lanhlanu Abafileyo Ngemva Kokudla Amakhowa


Abezempilakahle sebexwayise uzulu ukuthi eqaphele ukudla amakhowa abulalayo kulandela ukutshabalala kwenye imuli eMberengwa.

Umndeni lo ufelwe ngabantu abalitshumi lanye buthumuthumu ngemva kokudla amakhowa aletshefu.

Abanengi babo bafele esibhedlela koBulawayo bangcwatswha kanyekanye kuliviki.

Kulenye njalo imuli eFilabusi efelwe ngabantu abane ngesizatho esifanayo. Abathathu balokhu belaliswe esibhedlela seMpilo, kubike iphephandaba leChronicle.

Isikhulumeli senhlanganiso yabodokotela, iZimbabwe Hospital Doctors Association uMnu Mxolisi Ngwenya uthi uzulu kamelanga adle amakhowa nxa engelaqiniso lawo.

“Kulusizi ukuthi kulabantu abalitshumi lanhlanu asebebulawe ngamakhowa. Abantu mabangabodla amakhowa abawathola ezidulini kumbe abawathengiselwa ngabanye,” kuxwayise udokotela Ngwenya.

Kunjalo nje, odokotela ezibhedlela ezinkulu zikahulumende baqhubeka bekhalala umsebenzi ngobunengi bekhonona ngeholo labo abathi liphansi.

UMnu Ngwenya uthi umumo usumubi kakhulu ezibhedlela ngoba izigulane seziswela abelaphi.

please wait

No media source currently available

0:00 0:02:39 0:00

Facebook Forum

XS
SM
MD
LG