amalinks wokungena

Breaking News

Sebemelele Imidlalo yePSL Abafana beBulawayo City


Bulawayo City Club Chairman Jerry Sibanda

Iqembu likaMasipala wakoBulawayo eleBulawayo City ligcotshwe ukuba zintshantshu zalonyaka kuSouthern Region Division One njalo selimelele imidlalo yePremier Soccer League ngomnyaka ozayo.

Umgcinisihlalo waleli qembu uJerry Sibanda uthi bayajabula ngokungena kuPSL njalo uthi bazaqhubeka labadlali babo abanengi ngoba bengamajaha asakhulayo.

Uthi ngomnyaka ozayo umanisipala uzavuselela indawo zokuzilibazisa ezitholakala emalokitshini kube lamaqembu ezemidlalo agoqela owenguqu, lapho athi iqembu labo lizathola khona abanye abadlali.

Iqembu leBulawayo City liphutshe imidlalo yalo kuDivision One lilemiklomelo engamatshumi ayisikhombisa lanye njalo likhokhela iqembu elihlezi kundawo yesibili eleBulawayo Chiefs ngemiklomelo eyisikhombisa.

Kolunye udaba olufanayo iqembu leTalen Vision leleHighlanders Under 19 yiwo aphumelele ukuyadlala kusigaba seSouthern Region Division One ngomnyaka ozayo ngemva kokuphutsha ekundawo ezimbili zaphezu kwengalane kusigaba seBulawayo Province Division 2.

Iqembu leTalen Vision liqede likhokhela njalo isiphathamandla salo uMnu Otrick Siziba uthi bebengakukhangelelanga lokhu ngoba bebezidlalela kusigaba sika Division 3 ngomnyaka odluleyo.

Umqeqetshi weHighlanders Under 19 uMelusi Sibanda uthi ukuphumelela kweqembu lakhe ukuyadlala kuDivision One kuza lethuba lokuthi babe labadlali abazaphanga balungele ukudlala kuqembu elidlala kusigaba se PSL.

Iqembu leli liqede imidlalo yalo lilemiklomelo engamatshumi amahlanu lanhlanu.

Iqembu leHarare City yilo eliphakamise inkezo yeChibuku ngemva kokunqoba eleDynamos nge2 ka1 ngoMgqibelo. Bekulomdlalo owodwa kusigaba sePSL obuphakathi kweTriangle leCaps United njalo uphele zingutshiki lobhanqa 1 ka 1.

NgaseNgilandi iqembu leManchester City yilo elihlezi phezu kwengalane lilemiklomelo engamatshumi amabili lanhlanu ngemva kokunqoba eleNorwich nge 2 ka 1.

Kundawo yesibili kuleqembu leArsenal elilemiklomelo elingana leye City kodwa esehlukaniswa ngumehluko wamagoli.

Iqembu le Arsenal litshaye eleSwansea nge 3 ka nya.

Sikhangele umdlalo wokugijima; umdlali weZimbabwe uRutendo Nyahora unqobe kumjaho wamakhilomitha alitshumi kucele labesifazane kumncintiswano weOld Mutual Soweto Maratho ngeSonto.

Kucele labesilisa uMike Fokoroni uphutshe ekundawo yesibili kumjaho wamakhilomitha angamatshumi amane lambili ngemva kuka Sentanyehu Legese Yinesu waseEthiopia.

please wait

No media source currently available

0:00 0:03:01 0:00
Lapho esitholakala khona
XS
SM
MD
LG