amalinks wokungena

Sebephendukile Osiphatheleni Abatshintsha eBotswana

  • Martin Ngwenya

Sebegwele osiphatheleni eFrancistown leGaborone.

Abaphila ngokuthenga lokuthengisa imali yakwamanye amazwe ezitaladeni, abaziwa ngokuthi ngosiphatheleni, sebephendukile kwele Botswana ngemva kokufakwa kwemali yama bond notes kumnotho weZimbabwe.

Kodwa abalinganisi ama bond note ledola leMelika.

Osiphatheleni laba bathengisa imali etshiyeneyo emadolobheni afana leFrancistown kanye le Gaborone lapho okutholaka khona usapho olunengi lweZimbabwe.

Abantshintsha imali bathi amadola eMelika ayasilela eZimbabwe ngakho bathola ibhizimusi lokuntshintsha ama bond notes kulabo abaphethe amaPula ama Rand kumbe imali zakwamanye amazwe kodwa befuna ukuyayisebenzisa eZimbabwe.

"Inengi liyawafuna ama bond notes ngoba kubangcono ukusebenzisa ibond note kumbe ama dola eMelika kulokusebenzisa amaPula kumbe amaRand."

Abanye njalo abantshintsha imali kubosiphatheleni bathi bamangaliswa yikuthi isisindo sama bond notes kanye le dollar leMelika akulingani.

Uhulumende weZimbabwe, ngesikhathi engenisa uhlubo lwemali yama bond notes, wathi isisindo sawo silingana lamadola eMelika.

"Siyamangala ukuthi idola kanye lama bond notes akulingani njengokutsho kukahulumende. Njengoba kungela madola sicina sithatha ama bond notes ngoba kubalenhlawulo ephansi."

Osiphatheleni bantshintsha idola elilodwa likutholela ibond note elilodwa lamasenti alitshumi phezulu.

Omunye ontshintsha kubo siphatheleni umnunzana Rodrick Nleya uthi noma nje uhulumende wathi ama bond notes azalingana ledola, kungcono ukusebenzisa loluhlobo lwemali kulama Pula kumbe ama Rand.

Facebook Forum

XS
SM
MD
LG