amalinks wokungena

Breaking News

Sebezinkulungwane Ezedlula Ezine-401 Asebehlolwe Batholakala BeleCovid 19 eZimbabwe


Coronavirus

Kulabalitshumi abatholakale beleCovid 19, ebantwini abahlolwe eZimbabwe, ngokutshona kwelanga langoLwesithathu. Laba bantu bakhuphule inani lasebetholakale belaleligcikwane laya kwabangamakhulu edlula amane-401.

Abasinde kulesi sifo sebengamatshumi edlula ayisithupha-63, sabulala abane. Abalitshumi laba ngabanye babagcinwe endaweni ezitshiyeneyo zelizwe ezamaQuarantine Centers, abaphindele ekhaya bevela kweleSouth Africa.

Asebehloliwe ukuba baleCovid 19 loba hatshi lokhu laqhamukayo eZimbabwe, ngoMbimbitho lonyaka, sebezinkulungwane ezedlula amatshumi ayisithupha-60,585.

Emhlabeni jikelele abaleCoronavirus sebeyizigidi ezedlula eziyisitshiyagalombili-8,297,055, kuthi asebebulewe yileligcikwane, sebezinkulungwane ezedlula amakhulu amane-446,872, abasinde kulumkhuhlane beyizigidi ezedlula ezine-4,347,332 kubika abenhlanganiso eyeWorldometer.

Emazweni awezwekazi le Africa asebebanjwe belegcikwane leli, sebezinkulungwane ezedlula amakhulu amabili-259,036, labulala inkulungwane phose eziyisikhombisa-6,999, kwasinda inkulungwane ezedlula ezilikhulu-118,472 kubika abenhlanganiso eye Africa union.

Facebook Forum

XS
SM
MD
LG