amalinks wokungena

Breaking News

'Sesimelele amaRapid Test Kits Awokusebenzisa Ukuhlola iCoronavirus'


Esibhedlela seHarare Central Hospital
Esibhedlela seHarare Central Hospital

Uhulumende uthi uselayo imithi edingakalayo yokusebenzisa eyalungiselwa ukuhlola igcikwane leCoronavirus emzimbeni womuntu lapho ethe wacatshangelwa ukuthi ulalo, asekudinga okwamanje ngokuyimitshina yokuhlola izigulane, ephumisa impumela khonapho khonapho amaRapid Test Kits.

Harare Central Hospital
Harare Central Hospital

Lokhu kuvezwe ngumphathintambo wezempilakahle, uDr Obediah Moyo lapho esethekelela isibhedlela se Harare Central Hospital lapho okulesigaba sokuhlola imihlobo etshiyeneyo yamagcikwane, esiyabona ukuthi asekusibanga siphi amalungiselelo okudinga indlela zokwenqabela ukusabalala kwegciwane leCoronavirus eZimbabwe.

“Ngaphandle kokuba sisadinga ukuthi sithole imitshina yama Rapid Testing, yona eveza impumela ngemva kwamaminutes alitshumi lanhlanu, sesilayo imitshina yakulezinsuku esetshenziswa ukuhlola igciwane le Coronavirus lemithi yakhona. Sesiyitholile leyo mitshina lemithi yakhona sesiphakathi kokudinga lawo ma Rapid Test Kits.”

Leliqula liphinde njalo lethekelela esibhedlela seWilkins Infectious Hospital, esiseHarare, okuyisibhedlela esikhethiweyo ukuba kube yiso esamukela abacatshangelwa ukuba baleligcikwane le Coronavisus, abayabe behle esilindweni sendizamtshina ese Robert Mugabe International Airport, bevela kwamanye amazwe abatholakala belalo ngemva kokuhlolwa balondolozwe bekiso bengahlangani lomphakathi.

Osaphethe isikhundla sikanobhala kugatsha lwezempilakahle, u Dr Gibson Mhlanga utshele intathelizindaba ukuba sezikhona indawo zokulondolozela abayabe sebelaleligciwane lokuhlola abacatshangelwa ukuba balalo, osekusele yikuba izisebenzi zankona zifundiswe ngokwaneleyo njengalokho osekuthe kwenziwa kulezo ezisebenza e Wilkins Infectious Hospital.

“KoBulawayo sileThorngrove infectious Diseases Hospital, besikhonangale ngeFriday last week sayenza ia assessement of indawo yona leyo. Kodwa sibone ukuthi abakabi prepared nxa ungafuna ukubaqathanisa lesikubone lamuhla e Wilkins Hospital, e Harare City. So sizabona ukuthi ukuthi sile programme eyokuthi sibalethe ngapha eHarare ukuthi bezofunda ukuthi kufuze kwenziwe njani ”

Uhulumende uthi khathesi umsebenzi wokuhlola ukuba umuntu ulegcikwane leCoronavirus sokuzakwenzelwa eZimbabwe nxa ama Rapid Test Kits, engatholakala ikanti ensukwini zangemuva bekuthunyelwa ama samples kwele South Africa imithi yokuhlola igcikwane ingakabi khona elizweni.

Umkhuhlane oweCoronavirus uqalele kweleChina ekupheleni komnyaka odluleyo wasabalala emazweni edlula amatshumi amabili emhlabeni jikelele okugoqela eleMelika, Thailand, South Korea lamanye.

Okwamanje lumkhuhlane usubulele abantu abaphose bafike inkulungwane eyodwa. Kuthi asebetholakele belaleli gcikwane sebesedlula inkuungwane ezingamatshumi amane emhlabeni jikelele, inengi labo liseChina.

please wait

No media source currently available

0:00 0:05:39 0:00
XS
SM
MD
LG