amalinks wokungena

Abenhlanganiso ezimela abesifazane abaphila ngokuthengisa ucansi ama Sex Workers’ Support Groups emzini we Maglass eZvishavane, bathi babonga iMidlands AIDS Caring Organisation (MACO) ngokubaphathisa enhlelweni ezinengi ezibasizayo.

Inhlelo lezi ezenziwa kanye lenhlanganiso yeOXFAM zibaphathisa ngolwazi kwezokuzilondoloza, besebenzisa indlela zokuzivikela emkhuhlaneni weHIV-AIDS.

Bemba phansi ukuba ngeke bavuma ukulingwa ngemali noma kanjani nxa owesilisa angala ukusebenzisa indlela zokuzivikela.

Abesifazane abaphila ngokuthengisa ucansi bathi ukuza kwabe MACO empilweni zabo, kubavule amahle ngoba sebelolwazi olwanelayo ngokuqakatheka kokulondoloza imzimba yabo.

UNkosazana Teri Mwale, ngomunye wabasebenza labaphila ngokuthengisa ucansi okuthiwa nguPeer Educator, uthi useyibona inguquko ekubambisaneni labe MACO osokudonse olweminyaka emine.

Omunye njalo uPeer Educator eMACO, ofuna ukwaziwa ngegama lokuthi Ponky, uthi isimine iminyaka selokhu waqalayo ukusebenzelana labe MACO. Uveze ukuba solumsizile kakhulu ulwazi alutholiswe yilenhlanganiso.

uPonky uphinde wathi usebenza labasakhulayo ukubatholisa ulwazi kwezokuzilondoloza lapho besiya emacansini lalapho beqhuba imisebenzi yabo.

Osaphethe isikhundla sokuba ngumqondisi weMACO, uMnumzana Kudakwashe Gumbo, uthi bakubone kufanele ukusebenzelana labaphila ngokuthengisa ucansi eZvishavane ngemva kokunanzelela ukuba luyasilela ulwazi kwezokuzivikela.

Abesifazane abaphila ngokuthengisa imzimba yabo laba bathi sebefunde ukuba imali ayiqakathekanga ukwedlula ukuzigcine kahle.

Facebook Forum

XS
SM
MD
LG