Amalunga ebandla leMelika eliphikisayo elamaDemocrats aqhuba imikhankaso ehlukeneyo eyokudinga usekelo lokungena kukhetho lokudinga umongameli ekupheleni komnyaka ozayo.
Ozaphumelela kukhetho lwama primary elections ebandla lamaDemocrats, uzancintisana lomongameli Donald Trump owebandla lamaRepublicans, yena oyabe esedinga ukubusa okwesigaba sesibili okwe second term.
Kuyonale iviki, kusukela ngoMvulo, sihlaziya amanye amalunga alelibandla ancintisa kulokukhetho, kanye lokunye okuphathelane lalo.
Namuhla, sihlaziya umkhankaso kaMnu. Joe Biden, owayengumsekeli kamongameli Barack Obama kusukela ngomnyaka ka 2009 kusiya koka 2017.
UMnu. Biden, oleminyaka engamatshumi ayisikhombisa lesithupha-76, wazise ukuthi uyaphatheka kulumncintiswano ngoLwesine kuviki edluleyo. Asizweni amazwi akhe.
Sixoxa lengcwethi ecubungula ezombusazwe uMnu. Dumaphi Mema, oyisizalwane seZimbabwe esihlala eDallas, eTexas khonapha eMelika. UMnu. Mema uthi uMnu. Biden nguye okhokhelayo kucwaningo lwama polls kwabancintisayo kubandla lamaDemocrats.