Abasakhulayo abangene kuhlelo lweMandela Washington Fellowship for Young African Leaders (YALI) bathi sebelulungiselele uhambo lwabo lokuya eMelika kumaviki amabili alandelayo ukuyaqhuba izifundo zentuthuko.
Omunye wabasakhulayo laba, abangamatshumi amathathu, nguYvonne Jila osebenza lenhlanganiso yeWomen Filmmakers of Zimbabwe leyeInternational Images Film Festival for Women.
UYvonne wenza umsebenzi wokulwela amalungelo abasakhulayo labesifazana, ikakhulu abemaphandleni esebenzisa imfanekiso yebhayisikopo.
Uthi uyajabula kakhulu ngethuba ngokuphatheka kuloluhlelo njalo uthi ukhangelele ukusebenzisa ulwazi azaluthola ukuthuthukisa impilo zabasakhulayo beZimbabwe.
Bangamakhulu amahlanu abasakhulayo abavela emazweni atshiyeneyo abazaphatheka kulolu hlelo.