amalinks wokungena

Umculi wezokholo odumileyo kweleSouth Africa kanye laseZimbabwe uLundi Tyamara kasekho.

ULundi ubhubhe ngolweSihlanu ekuseni esibhedlela se Edenvale kweleSouth Africa ngemva kokuhlaselwa ngumkhuhlane wofuba lwesisu lowesibindi okwesikhathi eside.

Bakhala ezimathonsi abaculi beZimbabwe labathanda umculo wezokholo kulandela imfa kaLundi Tyamara.Lumculi obhubhe eseleminyaka engamatshumi amathathu lasitshiyagalombili, uqale udumo lwakhe kusukela ngo 1998 ngesikhathi esethula amadlalade agoqela uMphefumlo wami, Mvulele angene, lo Khuluma nabo.

Inengi lezizalwane zeZimbabwe ebelithanda lumculi lithi kutshabalele ithalenta elingasoke litholakale lula.

Umculi weqembu laMajaha amahle uMjeqezi David Ncube uthi alehlanga lingehlile.

Umunye oculayo, uNqobani Ndlovu, wePhelandaba SuperSounds uthi ingoma zikaLundi beziyintshumayelo enkulu.

“Lundi mfowethu ulale ngoxolo. Siphinde sibonge lakuStudio 7 eyiyo esimemileyo ukuthi lathi siyophosa amazwi endunduzo,” kusho uNdlovu.

Isizalwane seZimbabwe uZanele Dube odabuka eGwanda yena uthi imfa kaLundi imethusile.

“Sizwa ubuhlungu kabi ngoba bekuyindoda ethanda abantu, ekhululekile kanti lengoma zakhe zonke, especially le umphefumlo wami zonke bezitshaya enhliziyweni. Eish ngibuhlungu kabi,” kusho uTsepo Ndlovu odabuka koBulawayo e Pumula East.

Bonkeke bayavumelana ukuthi lobanje lumculi eselele, umculo wakhe uzasala uyisikhumbuzo esikhulu ezindlini ezinengi.

Facebook Forum

XS
SM
MD
LG