Uhulumende uthi uphakathi kokulungiselela ihlandla lesibili lokuvulwa kwezikolo ukuze abantwana abasezifundweni zikaGrade 6, Form 3, loForm 5 bebuyele ezikolo ekupheleni kwalinyanga mhlaka 26.
Izikolo zazivalwe ngenxa yeCovid-19 kodwa ziqale ukuvulwa kuhlandla lakuqala mhlaka 28 ngenyanga edluleyo ukuze labo abaloba imihloliso lonyaka baqale ukulungiselela.
Kulokuphikisana phakathi kukahulumende, ababalisi, labazali phezu kokuthi abafundi bavikelekile na kumkhuhlane weCovid-19 ezikolo.
Kusenjalo, amapholisa athi kulabesilisa abathathu ababaleke eEsikhoveni Quarantine Center, esigodini lapho okulondolozwa khona abalegciwane leCoronavirus.
Amakheli abantu laba akhomba ukuthi bahlala eGwanda lakoMadlambuzi, ePlumtree.
Umfundisi Anglistone Sibanda utshele iStudio 7 ukuthi ukubaleka kwabantu laba kuveza sobala ukuthi uhulumende uyehluleka ukuluphatha kuhle udaba lomkhuhlane lo.
