amalinks wokungena

Breaking News

'Sikhathazekile Kakhulu Ngokulwisana Kwabaholi Bethu'


Ugatsha lweMDC-T eMelika luthi lukhathazekile kakhulu ngokudlephana okukhona phakathi kwenkokheli yalelibandla ibanga isikhundla sikaMnu Morgan Tsvangirai.

Kulokufuthelana okukhulu phakathi kwabasekeli bakaTsvangirai bobathathu; uMnu Elias Mudzuri, uNelson Chamisa loNkosazana Thokozani Khupe.

Ukulwisana obekuveke kukhona bekuphakathi kukaChamisa loMaKhupe. Kodwa kulezinsuku uChamisa usesilwa futhi loMudzuri.

UTsvangirai yena uphatheke kubi ngomkhuhlane wemvukuzane njalo uyelatshwa kweleSouth Africa.

Umgcinisihlalo weMDC-T eMelika uMnu Den Moyo utshele lumsakazo ukuthi ukulwisana lokhu akulungelanga ibandla ikakhulu ngalesisikhathi lilungiselela ukhetho.

UMoyo wengeze wathi ukuze ukulwisana lokhu kuphele, kumele kulandelwe isisekelo sebandla kuyiwe kukhetho lokudinga umkhokheli omutsha alubana uTsvangirai ethe akasenelisi ukuqhubeka ekhokhela.

please wait
Embed

No media source currently available

0:00 0:03:05 0:00

Facebook Forum

XS
SM
MD
LG