amalinks wokungena

Breaking News

Ibandla Lenkonzo yeUMC Linceda Ukuthuthukisa Isikolo seEmsizini Secondary


Emsizini Sec School

Ibandla lenkozo yeUnited Methodist Church e Macedonia, esigabeni seOhio eMelika, seyaguqula impilo zabafundi eEmsizini Secondary School ezini weKensington koBulawayo yakha isikolo esihle silakho konke okuthuthukileyo okunjengemanzi, ugetsi lesigaba seScience Lab.

Abadala bathi imfundo lihawu njalo yilifa elihle osekuyingoma yabahlali beKensington lapho abafundi asebehamba umango omfitshane ukuya esikolo njalo bethola lababahlawulela izifundo zabo.

Umfundisi Russel Ham Emsizini Sec School
Umfundisi Russel Ham Emsizini Sec School

UMfundisi weUMC eMacedonia uRussel Ham, ongumqoqi wemali lempahla esiza abafundi beEmsizini Secondary School obekuleli okwamaviki amabili uchaze ukuba uyaziqhenya ngokuzinikela kwabafundi labahlali beKensington ekuboneni ukuba abafundi bayafunda njalo bayaphumelela ezifundweni zabo.

UMfundisi Ham uthi ulangazelela ukuba isikolo lesi sikhule sibe lekolitshi yemfundo yaphezulu iUniversity eyebandla leUMC njengakwezinye izigaba zelizwe.

"Ngikhangelele inguquko enkulu lapha njalo ngifisa ukuba ibandla lethu libe leuniversity lapha lokunye okuhle noba abantu bakulindawo basebenza gadalala ekuthuthukiseni ezemfundo zabantwana babo".

Umphathisikolo weEmsizini Secondary School, uMnunznana Kholwani Moyo ubonge usizo lweUMC ekusunguleni isikolo lesi esesila bafundi abadlula amakhulu amabili.

Emsizini Sec School
Emsizini Sec School

"Sibonga ibandla leUMC eliqale lesisikolo ngomnyaka ka2007 silabafundi abayi 33. Siqale ukwakha lapha ngo2009 njalo isikolo lesi sesikhulile kungakhathalekile lenkinga ezimbalwa esihlangane lazo ezabalisi, ingwalo lokusilela kwamandla kagetsi kodwa abafundi bayaphumelela ezifundweni".

Umgcinisihlalo weEmsizini Secondary School, School Development Association, uNkosikazi Gladys Tapfuma, ubonge ibandla leUMC ngesandla esihle lenhlanyelo abayihlanyele eKensington.

Emsizini Sec School
Emsizini Sec School

"Kunengi kakhulu ibandla leUMC elisenzele khona lapha eKensington ngeke sakubalisa sikuqede njalo sikhangelele ukuba iminyaka ezayo sakhe ikolitshi yemfundo yaphezulu lapha.

Osakhulayo, owafunda kulesisikolo sisungulwa uHandsome Macala osengumbalisi njalo kulesisikolo uthi ukubone kumqoka ukuba azekupha akuvuna kulesisikolo.

"Ngifunde kulesisikolo ngesikhathi sisungulwa ngayaqeda imfundo yami esikolo ebengihamba amakhilomitha alitshumi, ngemva kokuvela fundela ububalisi eHillside Teachers College ngikubone kumqoka ukuba ngizoqinisa isigaba sami ngezemfundo ngoba ekuqaleni nike ngafundisa kulesisikolo kungelanhlawulo ngemva kokuphumelela kwabafundi lonyaka bangiqhatshile njalo ngikhangelele ukuyaphambili ngezifundo zami".

Abafundi be Emsizini babonge usizo olukhulu abalwenzelwa libandla leUMC, bethi kudala bebehamba amakhilomitha adlula itshumi besiya esikolo kodwa manje konke sebekuthola eduze njalo bayasuthiseka ngemfundo abayithola kulesisikolo.

Isikolo seEmsizini Secondary School siqale ngomnyaka ka2007singaphansi kweTennyson Hlabangana High School befundela eKensington Primary School.

Emsizini Sec School
Emsizini Sec School

Manje sekulezindlu zokufundela eziqale ukwakhiwa ngo2009, abafundi baqala ukufundela khona ngo2012, lezindlu zokuhlala zababalisi lobanje zingakabi logessi. Abafundi bayaphumelela ezifundweni zabo kodwa bakhala ngengwalo kulandela ukuguqulwa kwenhlelo zokufunda.

Udaba lwesikolo seKensington siluphiwa nguAnnahstacia Ndlovu
please wait

No media source currently available

0:00 0:04:29 0:00

Facebook Forum

XS
SM
MD
LG