amalinks wokungena

Breaking News

Inkokheli Yamapholisa Ithi Isiguqule Izenzo Zokudlelana Lozulu Lentathelizindaba


Umkhokheli wamapholisa omutsha ulabanye bakhe esigodlweni samapholisa eHarare.

Abe Zimbabwe Republic Police bathi bazinikela ukusebenzisana lozulu phansi kombuso okhona khathesi bevuma ukuba bezikhona inkinga ekusebenzeni kwabo esikhathini esidlulileyo.

Lokhu kuphume emhlanganweni lentathelizindaba wokuhlaziya ubudlelwano phakathi kwamapholisa lazo owenzelwe ePolice Club eHarare, lapho amapholisa athembise ukuguqula indlela asebenza ngayo phansi kobukhokheli buka Mongameli Emmerson Mnangagwa.

Amapholisa atshengisa inhlonipho kumkhokheli wabo omutsha.
Amapholisa atshengisa inhlonipho kumkhokheli wabo omutsha.

​Esinye seziphathamandla zesipholiseni uChief Superintendent Paul Nyathi, uthe oleqiniso lokuthi bazasebenza belandela okumunyethwe yisisekelo sombuso welizwe.

Unobhala jikelele wenhlanganiso yentathelizindaba eye Zimbabwe Union of Journalist, uMnu. Foster Dongozi, ukhuthaze intathelizindaba ukuthi zazise amapholisa ngokubhekane labo nxa zisendaweni lapho okulodlakela lokunye okufanayo.

Lumhlangano ulandela owenziwa ngomnyaka ka2015 lapho intathelizindaba zazikhonona ngesiphatho nxa ziqhuba umsebenzi wazo.

Zikhona ezabhaxabulwa kabuhlungu ezinye zabotshwa lanxa zaziphetha zitholakala zingela mlandu.

Udaba Esilethulele NguMavis Gama
please wait

No media source currently available

0:00 0:02:05 0:00

Facebook Forum

XS
SM
MD
LG