amalinks wokungena

Breaking News

Banengi Abadlali Benguqu Abaswela Amaqembu Angabaqhatsha Lonyaka


Lilokhu likhula inani labadlali abangaqhatshwanga ukudlalela amaqembu phansi kohlelo oluqhutshwa yinhlanganiso yeFootballers Union of Zimbabwe endaweni yeHeath Streak Sports Academy koBulawayo.

Loluhlelo luthe luqala ngoMvulo bekulabadlali abalitshumi lambili kodwa ngoLwesithathu bekulabadlali abedlula amatshumi amathathu abadinga umsebenzi abakade bezilolonga ngaphansi kokuqondisa kwabaqeqetshi ababalisa abake bababa ngabadlali beqembu lesizwe, elama Warriors abathi uKallisto Pasuwa, uAgent Sawu kanye lowake wadlalela iqembu labesifazane elama Mighty Warriors, uSithethelelwe “Kwinji 15”Sibanda.

Lonyaka ngumnyaka wesithupha inhlanganiso yeFUZ iqhuba uhlelo lokudingela abadlali imisebenzi njalo lasesigodlweni iHarare kukhona uhlelo oluqhutshwa kanye kanye lalolu oluqhutshelwa ko Bulawayo.

Isiphathamandla senhlanganiso ye FUZ, uNomsa “Boyz” Moyo, uthi ngoLwesihlanu kuzakhethwa abadlali nxazombili kubunjwe amaqembu amabili azadibana ngeSonto esigodlweni iHarare.

“Uhlelo lwethu luqalise ngoMvulo njalo luzafika emaphethelweni ngoLwesihlanu lapho okuzakhethwa khona abadlali abafika mhlawumbe itshumi lambili kumbe amatshumi amabili abazabumba iqembu elizakuyadlala lalelo elizabunjwa eHarare. Kuzabizwa njalo abanye abaqeqetshi abazabuya bezobona lumdlalo.”

Abaqeqetshi abaphethe uhlelo olufanayo esigodlweni iHarare ngababalisa uTonderai Ndiraya kanye loNaison Muchekela.

Bekulabaqeqetshi abambalwa abakade bebukele uhlelo lwangoLwesithathu eHeath Streak Sports Academy njalo laba ngabagoqela uBekithemba Ndlovu oweqembu le Bulawayo City, uGarthly Chipuka oweqembu le Bulawayo Chiefs kanye lomsekeli kamqeqetshi weqembu lesizwe elama Warriors uBongani Mafu.

Eminyakeni eyedluleyo iqembu ebelibunjwa ngemva kokudibana kwamaqembu ayabe ekhethwe ngemva kohlelo lolu belivakatshela emazweni angomakhelwane njalo bakhona abanye abadlali abafana loObert Tafira owake wadlalela iqembu le Highlanders abasebenzisa lelithuba ukuba bahle babonwe ngamaqembu angaphandle.

Udaba Esilethulelwe NguJoseph Njanji
please wait

No media source currently available

0:00 0:01:44 0:00

Facebook Forum

XS
SM
MD
LG