amalinks wokungena

Breaking News

Sokubhahile Ukungethembeki Kwezemithetho - Chidyausiku


Umahluli omkhulu, uGodfrey Chidyausiku uthi sokulokungethembeki okukhulu kusandla somthetho lemithethwandaba kubangelwa ikakhulu yikuholiswa kwabomthetho iholo eliphansi.

Ngalokhu uJustice Chidyausiku uthi uhulumende kumele engezelele izisebenzi zomthethwandaba, ezigoqela amapholisa iholo, ukuze kuqedwe ukungethembeki lokhu.

Zinengi izisebenzi zemithethwendaba ezigoqela amapholisa esezike zetheswa umlandu wokufunjathiswa ikakhulu yizigebengu zifuna ukukhululwa ejele.

Esethula iziqondiso ezintsha ezibeka sobala ukuthi abahluli labomantshi kumele basebenze njani, uChidyausiku uthe ukungethembeki lokhu sokuphambanisa indlela imithethwandaba esebenza ngayo.

Amazwi akhe agcizelelwe ngumphathintanbo wezemithetho uMnu Patrick Chinamasa.

Igqwetha uMnu Matshobana Ncube utshele iStudio 7 ukuthi ukungethembeki kungaqedwa yikuguqulwa kokutshiyineyo okuphathelane lemithethwandaba, hatshi ngokwengezelelwa kweholo.

XS
SM
MD
LG