amalinks wokungena

Breaking News

Asesilela Amafutha Ezimota eGwanda


Abahamba ngezimota edolobheni leGwanda bakhala ngodubo asebebhekane lalo lokusilela kwamafutha ezimota osekudale ukuthi intengo yayo iqonge.

Lokhu kwenzakala nje inani lezimota esezihamba emgwaqweni osuka eBietbridge usiya koBulawayo seziqansile ngoba izizalwane zeZimbabwe ezisebenzela kweleSouth Africa seziphindela ekhaya kukhefu leKhisimusi. UVusisizwe Mkhwananzi uyalandisa.

Amafutha ezimota ohlobo lwepetulu abelentengo yedola elilamasenti phose amatshumi amane - $1.38 egalajini leZuva abesebiza idola lengxenye-$1.50 ngoLwesithathu.

Leligalaji yilo lodwa ebelilamafutha ezimota kuthi eleRedan, Engen kanye leGlow abangekho. Inengi labatshayeli lithi kunuka santungwana ngoba kungakholeki ukuthi wonke lawa magalaji angaphelelwa ngamafutha ezimota ngesikhathi esifanayo.

Inengi labatshayeli belixokozela koZuva linathisa izimota okudale ukuphazamiseka kwemisebenzi.

UMnumzana Brighton Muleya ngumtshayeli wamathekisi edolobheni leGwanda. Yenake uthi ukutshona befolele amafutha ezimota ikakhulu ngalesisikhathi sekhefu leKhisimiusi kuphazamisa ibhizimusi labo.

Omunye esitshayisane laye ethela amafutha ezimota ohlobo lwediesel nguMnumzana Thandeko Zinti Mnkandla othe ukusilela kwamafutha ezimota lokhu kuyethusa ikakhulu ngesikhathi uhulumende kaMongameli Emmerson Mnangagwa esithi ulungisisa umnotho welizwe.

Inani lezimota ezithela amafutha edolobheni leGwanda seliqansile ngoba izizalwane zeZimbabwe ezisebenzela kweleSouth Africa seziqalile ukuphenduka ekhaya zilanda ikhefu leKhisimusi.

UKusilela kwamafutha sekudale ukuthi athengiswe ngomkoto lapho abiza khona amadola amabili ilitha lilinye njalo isimo silakho ukuba nzima ngeviki ezayo lapho inengi likhangelelwe ukuphindela ekhaya lisuka kwele South Africa.

please wait

No media source currently available

0:00 0:02:38 0:00

Facebook Forum

XS
SM
MD
LG