amalinks wokungena

Sebethwele Nzima Abasekeli Baka Mnangagwa Asebexotshwa Kubandla leZanu PF


UMnu. Emmerson Mnangagwa

Abebandla leZanu PF ezansi yeMaNdebeleni babikwa sebefuna kuxotshwe umphathintambo obona ngezomvikela uMnu. Kembo Mohadi kanye labanye abadlula itshumi ngoba kuthiwa balobundlelwano lobengumsekeli kamongameli welizwe, uMnu. Emmerson Mnangagwa, osexotshwe umsebenzi..

Emhlanganweni oqhutshelwe emahofisini ebandla leZanu PF lamhlanje ekuseni kubotshwe isiqumo sokuthi kubhalelwe eHarare ukuze uMohadi, uMnu. Abedinico Ncube olilunga lePolitburo, UNkosazana Thambudzani Mohadi lo Rini Kibi, abakudale leCentral Committe, baxotshwe.

Abanye abangasafunakaliyo kuZanu PF ngumsekeli kaphathintambo obona ngezenzakala elizweni uMnu. Obedingwa Mguni, umgcinisihlalo webandla leZanu PF ezansi yeMaNdebeleni uMnu. Rabelani Choeni, lomele iMzingwane edale lephalamende, uMnu. William Dewa.

Abanye babalisa amalunga eZanu PF kulesi sabelo agoqela uMnu. Never Khanye, uNkosazana Elizabeth Moyo, omnumzana Section Ncube, Japhet Dube, Mthandazo Sibanda, Cecilia Ndubiwa, Qanjiwe Mpande lo Sifinini Rona Moyo.

Okumangalisileyo yikuthi bonke laba okumele baxotshwe kababuyanga emhlanganweni obuphethwe ngumsekeli kaChoeni uMnumzana Soul Mahalima Ncube uthe laba akusamela baqume emahofisini ebandla leZanu PF.

“... Ye yiwo amabizo esiwatholayo ukuthi yibo akade bengama full products this province. Sesifuna imotion, simuve imotion yokuthi bahamba longwena wabo, bexotshwe ephathini. Sesifuna ukubhala imotion ukuthi siya endoser, lokhe siendoser kuze kube laphakade ione centre of power ephiwa ubaba uHis Excellency.”

Umhlangano lo uchothoze kakhulu ukuziphatha kwalaba abahoze uNkosikazi Grace Mugabe ngoMgqibelo lapho esethula umbiko wakhe emhlanganweni wakoBulawayo.

There was no opposition there, kwakungabantu beZANU-PF. So, uPresident njenge one centre of power ngokunanzelela lokhu, wathatha iaction as ione centre of power. Thina njenge ngatsha zakhe amaprovince akhe, thats why we are here ..."

UNcube uthi bona njengeZanu PF ezansi yeMaNdebeleni basekela inyathelo likaMugabe elokuxotsha uMnangagwa njalo bathi bafuna uNkosikazi Mugabe athathe isikhundla sokuba ngumsekeli kamongameli welizwe.

“Amatsotsi la avukela uPresident, siyasekela ukuthi ku amendwe iconstitution kube lendawo kuPresidium, eka Female Vice President. Ma silandela iprotocol kuZANU-PF kuWomen’s League, there is no one other that Her Excellency Grace Ntombizodwa Mugabe as isenior yeWomen’s League or we recommend ukuba ubaba ma eseyenza njengoba amandla akuye ngoba laphana kulomama sibili, umama ongakaze abe leanything against ubabawethu ..."

Ocubungula ezombusazwe uMnumzama Bekezela Maduma Fuzwayo uthi amabandla aphikisayo kumele athathe lelithuba lokungezwani okukhona kuZanu PF basuse ibandla leli embusweni.

Isikhulumeli sebandla leMDC-T ezansi yeMandebeleni, uMnu. Ekem Moyo, uthi kuyathokozisa ukubona iZanu PF idabuka phakathi.

"Ibandla eliphikisayo IMDC siyathaba kakhulu nxa sibabona besilwa ngoba vele lapho abakhona akumelanga bebekhonaphana. Bazifakile ontando kayiphikiswa kungasi kuthanda kwabantu. Kabalwe iZANU ihle iphele khonapho vele ibingasiphathi kahle.”

Inengi lithi uMugabe uyenze iphutha elikhulu ngokuxotsha uMnangagwa njalo kuzaba nzima ukuthi anqobe kukhetho oluzayo.

Facebook Forum

XS
SM
MD
LG