amalinks wokungena

Breaking News

Sokwedlule Iminyaka Phose Emibili uDzamara Enyamalele


Owayelwela amalungelo oluntu othunjwe ngo2015 uMnu. Itai Dzamara ufikise umnyaka olenyanga ezilitshumi lanye ngoLwesine enyamalele kungaziwa ukuthi waya ngaphi lokuthi usaphila na.

UMnu. Dzamara wayevame ukutshengisela egcekeni leAfrica Unity Square, eHarare, labangane bakhe besola umbuso kaMongameli Robert Mugabe njalo besithi sokumele esuke esihlalweni.

Wathunjwa mhlaka 9 ngoMbimbitho, 2015, ngabantu abanakanelwa ukuthi basebenzela uhulumende, ikakhulu abacuphi. Kodwa ibandla leZanu PF liyakulandula lokhu.

Omunye wabantu ababevame ukutshengisela loDzamara uMnu. Charles Nyoni uthi kuyadanisa ukuthi uDzamara lokhe engaziwa ukuthi waya ngaphi.

Wengeze wathi amapholisa akhanya engazimiselanga ukumdinga mhlawumbe ngesizatho sokuthi ayakwazi ukuthi kuyini okwenzakalayo kuye.

“Kubuhlungu kakhulu ukuthi sifike iminyaka phose emibili kungaziwa ukuthi uDzamara waya ngaphi lokuthi wathathwa ngobani,” kutsho uNyoni.

“Kuyatshengisa nje egcekeni ukuthi uhulumende weZanu PF kazimiselanga ngitsho lakancane ukuthi agcine lokulondoloza impilo kazulu weZimbabwe.”

UDzamara watshiya umkakhe labantwana ababili.

please wait

No media source currently available

0:00 0:02:22 0:00
Lapho esitholakala khona
XS
SM
MD
LG