amalinks wokungena

Breaking News

Soluvuselelwe Uhlangothi olweBroadcasting Authority of Zimbabwe-BAZ


UNkosikazi Monica Mutsvangwa umpathibtambo wokwethulwa kwemibiko

Amalunga amatsha wohlangothi olulawula umsebenzi wokunikezwa kwabantu amalayisensi okusakaza, olwe Broadcasting Authority of Zimbabwe (BAZ) abika ukuba aseqale uhlelo lokukhangelisisa abalobela ukuthola amalayisensi wokusakaza bezimele ikakhulu awezigaba ama community radio stations ukuze bawathole kumaviki amalutshwana alandelayo.

Ele Zimbabwe alikabi lemisakazo yamaradio lekamabonakude ezimeleyo ikakhulu ekhalelwa ngabanengi eyezigaba laloba sokuyiminyaka uhulumende ethembisa ukuthi uzonikeza abantu amalayisensi wokuqhuba lumsebenzi.

Ngokugqhiba umsebenzi kukahulumende womanyano ngo 2013 board yeBAZ eyayikhona yahle yama ukusebenza kuze kube manje lapho umphathithambo wezokwethulwa kwemibiko uNkosikazi Monica Mutsvangwa akhethe amalunga abumba iBAZ.

Ekhuluma kulo umbuthano uNkosikazi Mutsvangwa wazise ukuba amalunga eBAZ abone ukuba imisakazo ezimele yodwa iyaphiwa imvumo yokusakaza ukuze ilizwe lingasaleli emuva.

“I ZBC ilemisakazo ethize. Kumele iphangise itshengise ukuba yenza umsebenzi. I BAZ kumele iphe imvumo yokusazaka ukuze abantwana be ZImbabwe bephiwe ithuba lokukhetha abafuna ukukulalela”

Elinye ilunga lequla leli induna yaseLupane uMnu. Vusumuzi Mabhikwa uthi bazaqakathekisa kakhulu udaba lwemisakazo yezigaba ukuze izigaba zonke zelizwe zifenyelele intuthuko.

“Ezinye indawo eZImbabwe azilama radio. Kumele baphiwe ilungelo lokuba lama community radios ukuze izigaba zabo zithuthuke ukuze benelise ukwazisana ngokuyabe kusenzakala ezigabeni zabo”

Lokhe kusekelwe ngelinye njalo ilunga laloluhlangothi oligqwetha, uMnu. Rodin Mzyyeze othi imisakazo ingaba minengi elizweni ilakho ukuletha intuthuko

“I BAZ izabe ikhangela indaba zokusakaza lami ngekhangele ukuba ngizaphathisa ukuthi kuvuleke iminyaka kwabanye ukuthi balethe intuthuko endaweni zabo, ngiyabonga uNkosikazi Mutsvangwa ngokusincedisa ukuthi kube le board”

Owake waba yintathelizindaba uNkosazana Audrey Chihota uthi bazaqakathekisa ukutholiswa kwabantu amathuba alingeneyo kungela nkethabetshabi.

“Engikifisayo yikuthi abantu babelethuba lokuthola imibono eminengi eyehlukeneyo. Isisekelo sethu siyatsho ukuba kumele abantu bathole imisakazo etsheyeneyo”

Isiphathamandla senhlanganiso yemisakazo yezigaba eye ZImbabwe Association of Community Radios (ZACRAS) uNkosikazi Vivian Marara, wamukele ngenjabulo umbiko kahulumende.

“Thina indaba leyi siyayithkazelela kodwa sifuna ukuba kwazi ukuba yiziphi indawo ezizanikwa ukuze abantu balungiselele bekwazi ukuba kuzzaphiwa ziphi indawo”

Iboard eye BAZ ikhokhelwa nguMnu Charles Manzi Sibanda, ilamalunga agoqela owakewaba yisikhulumele samapholisa uMnu. Oliver Mandipaka, uMnu. Vusumuzi Mabhikwa, uMnu Vimbai Nyakudya, owakewaba ngumbalisi uMnu Jonathan Mampinda, iqwetha uMnu Rodin Mzyyze, intathelizindaba uNkosazana Audrey Chihota lo Tendayi Chakanyuka.

Uzulu ubheke ngelihlo lokhozi uhlangothi lwe BAZ ukuba luzenelisa na, ukupha inhlangiso ezizimele zodwa imvumo yokusakaza njengoba iminyaka isiminengi kungenzakali lokhu.

Udaba lokuvuselelwa kweBAZ siluphiwa nguGibson Bhebhe
please wait

No media source currently available

0:00 0:04:40 0:00

Facebook Forum

XS
SM
MD
LG