amalinks wokungena

Breaking News

Kwenziwa Ukhetho Kwele South Africa


Bavotisa owesifazana osekhulile ...
Bavotisa owesifazana osekhulile ...

Izizalwane zakwele South Africa bezivota ekhethweni lwesithupha selokhu Ilizwe lathola uzibuse ngomnyaka ka1994.

lkhomishini ebona ngokuqhutshwa kokhetho eye Independent electoral Commission (IEC) ithi lolukhetho luhambe kahle kakhulu endaweni ezinengi zelizwe.

Kuvota uMongameli Cyril Ramaphosa.
Kuvota uMongameli Cyril Ramaphosa.

Ngesikhathi kutshaya ihola lesikhombisa ekuseni besekulendwendwe ezinde ikakhulu emalokitshini abanengi abalisa iSoweo iAlexandra leThembisa eJohanneburg.

Abantu bebevota ngokuthula kungela dlakela lwezombusazwe loba ukuhlukunyezwa kwabantu ngamapolisa.

Omunye wabavote endaweni yokuvotela eAlexandra, uMnu. Zefred Nassi, oleminyaka engamatshumi ayisikhombisa kodwa obe ngowakuqala ukufika kuleyondawo, uthi ukuvota yinto eqakathekileyo kakhulu.

Bamelele ukuvota kwele South Africa
Bamelele ukuvota kwele South Africa

“Ya khona kuyafuneka ukuthi nxa ungumhlali wendawo yonke into eyenziwayo uyijabulele ngoba yizwe lakho. So, ukuze ukwazi ukukhuluma kufuneka uvote, so sijabulela lokho ukuthi silalelo thuba lokuvota.”

Indaba ebezisemqoka ekhethweni lwalonyaka ebezifuqwa ngamabandla abekhankasa yikuqeda inkohlakalo, ukudala amathuba omsebenzi, ukwabela abantu umhlabathi kanye lokwethula imfundo yamahala.

UMongameli Cyril Ramaphosa yena ovotele elokitshini leSoweto, wethule ukusuthiseka ngendlela ukhetho oluqhutshwe ngayo.

“Ilizwe labantu bonke bazimisele ukuvota njalo bayabona ukuthi bavotela inguquko, isikhathi, sokutshitsha izinto kanye levoti esikhumbuza inkululeko ka1994.”

Kuvota uMnu. Mmusi Maimane umkhokheli weDemocratic Alliance.
Kuvota uMnu. Mmusi Maimane umkhokheli weDemocratic Alliance.

Leyinto egcizelelwe ngumkhokheli webandla leDemocratic Alliance, uMnu. Mmusi Maimane, oveze ithemba lokuthi ibandla lakhe lizonqoba kulolukhetho.

Abadabuka eZimbabwe abakwele South Africa sebetshayele iSouth Africa ihlombe ngokwethula ukhetho olungela dlakekela.

UMnu. Dumiso Gama uthi kunengi iZimbabwe okufuze ikufunde kwele South Africa phezu kokuqhutshwa kokhetho olukhululekileyo.

Kulamabandla adlula amatshumi amane (48) ancintisa kulolukhetho. Ucwaningo olwenziwe zinhlanganiso ezinengi ezibhula ngempumela yezokhetho, zithi lukhombisa ukuthi ibandla le ANC yilo elizanqoba lilandelwa ngele Democratic Alliance besekusithi ele Economic Freedom Fighters libe ngelesithathu. Kulamabantu abedlula izigidi ezingamatshumi amabili (26.7 million) ababhalisele ukuvota.

Ukubalwa kwamavoti kuzaqala ngehola lesitshiyagalolunye nxa kuphela ukhetho kanti ikomishini yezokhetho ithi ikhangelele ukwazisa impumela ngomgqibelo.

Udaba Esilethulelwe NguBenedict Nhlapho
please wait

No media source currently available

0:00 0:03:21 0:00

XS
SM
MD
LG