amalinks wokungena

Abafundela Ubudokotela eUniversity of Zimbabwe Baxotshwa Ezindlini Zabo

  • Ntungamili Nkomo

Bathwele nzima abafundela ubodokotela ekolitshini leUniversity of Zimbabwe.

Kulandela ukutshengisela kwabafundi abafundela ubudokotela eUniversity of Zimbabwe izolo phezu kokukhwezwa kwembadalo yemfundo, amapholisa namuhla abophe umgcinisikhwama wekhansili emela abafundi ekolishini leli uMnu Ignatias Mukwichi.

Ukutshengisela lokhu kubangele ukuxotshwe kwabafundi bonke bogatsha lwabodokotela abangamakhulu ayisithupha ezindlini abahlala kizo.

Kodwa amagqwetha alwela amalungelo oluntu kunhlanganiso yeZimbabwe Lawyers for Human Rights akhweze isicelo edale leHigh Court namuhla esithi abafundi laba kumele bavunyelwe ukubuyela ezindlini zabo.

Sikhuluma nje inengi kalilandawo zokuhlala njalo abanengi babikwa befihle amakhanda kwamanye amasonto.

Umfundisi Evan Mawarire ubotshiwe izolo ngemva kokuphatheka ekutshengiseleni kwabafundi laba.

Inhlanganiso yeZimbabwe National Students’ Union (ZINASU) itshone idingela abafundi laba uncedo lwendawo zokuhlala lokudla.

Isiphathamandla selinhlanganiso le, uMnu Allistar Pfunye, uthe ezinye izifundi ziyehlulaka ukuthola indawo yokuhlala.

Facebook Forum

XS
SM
MD
LG