amalinks wokungena

Breaking News

Suzakwenziwa NgoMvulo Umhlangano KaMugabe LoTsvangirai


Umhlangano obukhangelelwe ukwenziwa ngolweSihlanu phakathi kukaMongameli Robert Mugabe, uMnu Morgan Tsvangirai loMnu Arthur Mutambara ngokuhluphayo kuhulumende womanyano suzakwenziwa ngoMvulo.

UTsvangirai, yena ofike elizweni ngoLwesine ngemva kokwethekelela kweleSouth Korea leSouth Africa, ubikwa ecele ukuthi umhlangano lo udluliselwe phambili ngoba esithi udiniwe.

Kunjalo nje, umeli weInsiza South edale lephalamende ekucele leMDC elikhokhelwa nguMnu Mutambara, uMnu Siyabonga Malandu Ncube ulomhlangano omkhulu ngoMgqibelo eAvoca Business Center lapho azachasisela khona uzulu mayelana ngokwenzakala kuhulumende womanyano.

UNcube utshele uNtungamili Nkomo weStudio 7 ukuthi ukhangelele ukuthi kuze abantu abanengi emhlanganweni wakhe lapho azabachasisela njalo ngokuthi kuyini okumele kwenziwe elizweni andubana kuqhutshwe ukhetho, lona olulakho ukwenziwa ngomnyaka ozayo.

XS
SM
MD
LG