Iyaqhubeka imizamo yokuqeda ukuxabana okukhona kuMDC-T phakathi komkhokheli walelibandla uMnu. Morgan Tsvangirai lomunye wabasekeli bakhe uNkosazana Thokozani Khupe.
Amacele womabili aqhuba imizamo ngokwenza umhlangano ozahluza ingxabano yababili laba.
Icele likaMaKhupe lona lithi umhlangano lo awumelanga wenzelwe eHarare ngoba lisesaba ukuhlaselwa yizikliwi ezatshaya uMaKhupe koBulawayo ngenyanga edluleyo.
UTsvangirai loMakhupe bayaphikisana phezu kwendlela umanyano wamabandla aphikisayo oweMDC Alliance omele ubunjwe ngayo.
Ukufuthelana phakathi kwababili laba kwengezelelwe yikutshaywa kukaMaKhupe ngabasakhulayo beMDC-T ababesithi bathunywe nguTsvangirai lanxa nje yena ekulandula lokhu.
Ingcwethi kwezombusazwe, uMnu. Brilliant Mhlanga, utshele iStudio 7 ukuthi uTsvangirai uzenza untandokayiphikiswa nje ngoba wajayezwa ngabantu bebandla lakhe.
