amalinks wokungena

Abatshayeli Bamabhasi Bakhala Ngokwehla Kwebhizimusi Lonyaka

  • Mavis Gama

Abanikazi bamabhasi bakhala ngokwehla kwebhizimusi lonyaka

Esilindweni samabhasi eseMbare Musika eHarare kuvame ukuba yiziphithiphithi ngales’isikhathi sekhefu leKhisimusi abantu beyibunyonyo benyakazela bezama ukuya emaphandleni loba kwamanye amadolobho ukuyahlangana lemmuli kanye lezihlobo.

Abatshayeli bamabhasi bakhala ngokuthi lonyaka uzulu ubhekane lobunzima bokuswela imali laleyo enlutshwana abayiholayo benganelisi ukuyithatha emabhanga.

Inhlolisiso eyenziwa yiStudio 7 esilindweni seMbare Musika iveze ukuba kade bebalutshwana ngempela abahambayo abatshayeli bekhala ngokuthi sokubathathela isikhathi eside ukuthi amabhasi agcwale.

Omunye wabatshayeli, uMnu. Tapiwa Sibindi, othwala abantu abaya eBeitbridge, uthe eminyakeni edluleyo babeyitshaya imali abantu besiza ngobunengi beminyezelana ngekhisimusi.

USibindi uthem “Lanxa besamukela imali yama bond note akula mahluko.”

UMnumzana Godknows Chinembiri, umtshayeli othwala abantu abaya eChiredzi, uthe ubeselamahola amabili emise ibhasi ezama ukulayitsha kodwa ibilokhe ilabantu abalutshwana.

Enzikini yedolobho leHarare, bekuzindwendwe ezinde emabhanga wonke, uzulu ezama inhlanhla ukuba athole okuyimadlana aye lapho afuna ukuyadlalela khona iKhisimusi.

Bekungesifanayo lalapho uzulu athathela khona imali ayithumezelwa yizihlobo ezifana labo Mukuru, Western Union lezinye, uzulu esephelelwe engasazi ukuba uzophumelela na ukuyithola imali.

Osakhulayo, oyisakhamuzi semzini we Glenview, obesemzileni wokufuna ukuthatha imali kwelinye lamabhanga, endaweni yamavinkili ebucwadlana leMbare Musika, uMlondolozi Ndlovu, uthe uselensuku ezimbalwa ezama ukuthatha imali yakhe ukuze ayebona abadala emaphandleni, kodwa kusehlula.

XS
SM
MD
LG