amalinks wokungena

Breaking News

Mina LoMugabe Sakhethwa NguNkulunkulu - Tsvangirai


Inengi selisole inhloko kahulumende uMnu Morgan Tsvangirai ngokuthi yena loMongameli Mugabe bakhethwa nguNkulunkulu ukuthi bakhokhele eleZimbabwe, ngakho uzulu kumele abakhulekele.

Ekhuluma ngoMgqibelo embuthanweni obujonge ukukhulekela ukuthula elizweni, uTsvangirai uthe abantu kumele bakhulekele inkokheli yabo lanxa bengayithandi. Uthe lo ngumlayo oseBhayibhilini njalo uzulu kumele awulandele.

Inengi lithi inkulumo le ifana xathu lenkulumo eyayivame ukwethula ngabanye ontandokayiphikiswa beAfrica asebafayo abathi uMnu Idi Amini weUganda loMnu Kamuzu Banda weMalawi.

Umsekeli wesikhulumeli seMDC kaTsvangirai, uNkosazana Thabitha Khumalo uthe ngempela liyatsho iBhayibhili ukuthi abantu kumele bakhulekele inkokheli yabo.

Kodwa ingcwethi ecubungula ezombusazwe uMnu Nkululeko Sibanda uthe uTsvangirai ulahleke kakhulu ngenkulumo yakhe.

XS
SM
MD
LG