amalinks wokungena

Breaking News

U-Mnangagwa Ukhuthaza abeZACC Ukutshutshisa Ngesiqhubu Esikhulu Amacala Enkohlakalo


Umongameli Emmerson Mnangagwa

Umongameli Emmerson Mnangagwa ukhuthaze abekhomishini eyeZimbabwe Anti-Corruption Commission labohlangothi olwe National Prosecuting Authority, ukuthi batshutshise ngesiqhubu esikhulu amacala enkohlakalo ngoba abantu sebekhathele ngokuphazanyiselwa impilo yilumkhuba.

Zimbabwe Anti-Corruption Commission
Zimbabwe Anti-Corruption Commission


“Liphiwe umlandu wokuthi lifundise uzulu ngengozi yobugwelegwele kanye lokukhankasela usekelo lukazulu ekulwisaneni inkohlakalo. Njenge ZACC le NPA selizinikele ukukhokhela lowu mkhankaso kumele lezinye ingatsha zincedise ukukhuthaza uzulu ukuthi alwisane inkohlakalo.”

UMnangagwa wethule linkuthazo embuthanweni wokusungula umkhankaso wokulwisana lenkohlakalo owenzelwe eHarare ngoLwesithathu.
Umkhankaso lo, uthi uze ngesikhathi esifaneleyo lngoba uhulumende esemizameni yokuvuselela umnotho osubhidlizwe yilesi siga.

“Lokhu kuzangesikhathi silondoloza ukuqhutshwa kahle kwenhlelo ezinengi zikahulumende ezijonge ukuthuthukisa ilizwe.Inkohlakalo ilakho ukubhidliza lezinhlelo zokuthuthukisa ilizwe lokuqeda ubuyanga.”

Abenhlanganiso yomanyano we European Union yiwo ophe usiso lwemali yokuphathisa abeZACC le NPA ekuqhubeni lumkhankaso okhangelelwe ukuqhutshwa phakathi kwenyanga ezilitshumi lanhlanu ezilandelayo.

Umgcinisihlalo wekhomishini yeZACC, uJustice Loice Matanda Moyo
Umgcinisihlalo wekhomishini yeZACC, uJustice Loice Matanda Moyo

Umqondisi weZACC uNkosikazi Loice Matanda-Moyo uthi kuzamela uzulu laye ancedise ukulwisana lenkohlakalo.

“IZACC isithethe isinqumo sokulwisana lenkohlakalo. Kodwa kunjalo ukusimlandu weZACC kuphela kodwa okazulu wonke jikelele. IZACC isebenza ndawonye le National Prosecuting Authority njengenhlanganiso eziphiwe amandla okulwisana lenkohlakalo elizweni sisungula lowumkhankaso. Umkhankaso lo ubhadalelwe yinhlanganiso ye European Union, yona ekade incedisana lohulumende weZimbabwe kunhlelo ezitshiyeneyo”

Umtshutshisi omkhulu uMnu. Kumbirai Hodzi uthi abeNPA kuzamele babone ukuthi labo abazafunyanwa bephule umthetho bazojeziswa kanzima kube yisibonela kuzulu ukuthi lokhu akuqalwa.

“Sesibone kufanele ukuthi sixhumane leZACC sikhuthaze uzulu ukuthi sisebenze sonke ekulwisaneni inkohlakalo. Abantu sebediniwe ngenkohlakalo njalo abasela themba kuhulumende. Thina njenge NPA sithi ukulahlekelwa lithemba lokhu kuyingozi”

Ingcwethi ezicubungula ezombusazwe zikhuthaza abeZACC labe NPA ukuthi basebenze okungela nkethabetshabi lapho bebopha abacatshangelwa ukuthi balecala ukuze uzulu abe lethemba labo.

Umkhankaso lo uzaqhutshwa ezabelweni zonke zelizwe ufundisa lokukhuthaza uzulu ukuthi asize ekulwisaneni lenkohlakalo. Lokhu kuza ngemva kokuba iZACC isibophe owayengumphathintambo wogatsha lwezokwethekelelwa kwelizwe, Unkosikazi Prisca Mupfumira.

Lumkhosi ubuthanise iziphathamandla zikaHulumende, amagqwetha, abenhlanganiso ezilwela amalungelo oluntu kanye lamakhomishina aweZACC labeNPA.

please wait

No media source currently available

0:00 0:03:43 0:00

Facebook Forum

XS
SM
MD
LG