WASHINGTON DC —
Owake waba ngumsekeli kameya wakoBulawayo uAlderman Charles Mpofu kasekho.
UMpofu ubhubhele esibhedlela seUnited Bulawayo Hospitals ngeSonto ebusuku ngemva kokugxotshwa yilori eyayithwele itshebetshebe ngoMgqibelo.
Ingozi le yenzakalele elokitshini leEmganwini lapho uMpofu abikwa ebephelekezele isihlobo sakhe ukuyalobola.
Bengakangeni endlini ababesiya kuyo kubikwa kuthutshe ilori le ivuthela yamgxoba uMpofu, wasethwalelwa esibhedlela lapho abhubhele khona.
Asenelisanga ukukhulumisana lamapholisa ngaloludaba.
UMnu Mpofu waba ngukhansila wakoBulawayo okwesikhathi eside njalo ubeyindoda eyazakala kakhulu ngokukhuluma umcabango wayo ingakhekhelezi njalo ingesabi.
Ungumuntu oke waba kumabanandla atshiyeneyo, agoqela iZapu, Zanu PF, leMDC.
Uncintise kukhetho olwdluleyo ekuMDC ekhokhelwa nguMnu Welshman Ncube efuna ukuba ngumeli weNketa edale lephalamende kodwa wanqotshwa.
UMpofu uxotshwe kulelibandla kunyanga ezisanda kwedlula ngemva kokuchothoza uNcube lezinye iziphathamandla zeMDC.
UNcube yena wethule umbiko ekhalela imuli yakoMpofu esithi ubeyindoda ebikhuthele kakhulu kwezomzabalazo.
Wengeze wathi ibandla lakhe lizamkhumbula njengomuntu okhankase ngamandla ukuthi udaba lombuso wezabelo lufakwe kusisekelo sombuso esitsha.
USenator weMDC-T koBulawayo, uMnu Matson Hlalo ongomunye wabantu abasebenza lomuyi okwesikhathi eside, utshele iStudio 7 ukuthi ilizwe lilahlekelwe kakhulu ngokutshona kukaMpofu.
UMpofu ubhubhele esibhedlela seUnited Bulawayo Hospitals ngeSonto ebusuku ngemva kokugxotshwa yilori eyayithwele itshebetshebe ngoMgqibelo.
Ingozi le yenzakalele elokitshini leEmganwini lapho uMpofu abikwa ebephelekezele isihlobo sakhe ukuyalobola.
Bengakangeni endlini ababesiya kuyo kubikwa kuthutshe ilori le ivuthela yamgxoba uMpofu, wasethwalelwa esibhedlela lapho abhubhele khona.
Asenelisanga ukukhulumisana lamapholisa ngaloludaba.
UMnu Mpofu waba ngukhansila wakoBulawayo okwesikhathi eside njalo ubeyindoda eyazakala kakhulu ngokukhuluma umcabango wayo ingakhekhelezi njalo ingesabi.
Ungumuntu oke waba kumabanandla atshiyeneyo, agoqela iZapu, Zanu PF, leMDC.
Uncintise kukhetho olwdluleyo ekuMDC ekhokhelwa nguMnu Welshman Ncube efuna ukuba ngumeli weNketa edale lephalamende kodwa wanqotshwa.
UMpofu uxotshwe kulelibandla kunyanga ezisanda kwedlula ngemva kokuchothoza uNcube lezinye iziphathamandla zeMDC.
UNcube yena wethule umbiko ekhalela imuli yakoMpofu esithi ubeyindoda ebikhuthele kakhulu kwezomzabalazo.
Wengeze wathi ibandla lakhe lizamkhumbula njengomuntu okhankase ngamandla ukuthi udaba lombuso wezabelo lufakwe kusisekelo sombuso esitsha.
USenator weMDC-T koBulawayo, uMnu Matson Hlalo ongomunye wabantu abasebenza lomuyi okwesikhathi eside, utshele iStudio 7 ukuthi ilizwe lilahlekelwe kakhulu ngokutshona kukaMpofu.