amalinks wokungena

Breaking News

Ummeli weZimbabwe kweleSouth Africa Omutsha Wamukelwa Ngumongameli Cyril Ramaphosa


Umnumzana David Hamadziripi ummeli weZimbabwe kwele South Africa
Umnumzana David Hamadziripi ummeli weZimbabwe kwele South Africa

U Hamadziripi ngomunye wabameli abemukelwe ngokusemthethweni ngumongameli Cyril Ramaphosa ePretoria ngoLwesibili.

Ekhuluma ngemva kokwemukelwa kweleSouth Africa ngokusemthethweni emkhosini oqhutshelwe eSefako Makgatho Presidential Guest House ePretoria izolo, umeli omutsha weZimbabwe kweleSouth Africa umnumnzana David Hamadziripi, uthe ubudlelwano kwezokuthengiselana yibo obuzakuba semqoka emsebenzini wakhe.
Umnumnzana Hamadziriphi uthethe intambo kumnumnzana Isaac Moyo osengumqondisi weviyo lenhloli zikahulumende


"Ngizaqhubeka ngomsebenzi obusenziwa ngulo engithethe kuye intambo. Kodwa ngizaqala ukusebenza phansi kwesimo esitsha njengoba lisazi ukuthi umongameli Ramaphosa usekhulume ngokuthi elizweni lakhe sekulohulumende omutsha ofuna ukwenza izinto ngokuhlukileyo".

Amazwi akhe alandela ezicathulweni zikamongameli Emmerson Mnangagwa osekhombise kwacaca ukuthi intuthuko kwezomnotho yiwo umsebenzi omkhulu kahulumende wakhe. NjengeZimbabwe, eleSouth Africa lalo lisanda kuthola ubukhokheli obutsha. Umongameli wakweleSouth Africa umnumnzana Cyril Ramaphosa utshele abameli abebesemukelwa laba ukuthi iSouth Africa izimisele ukuthuthuka okuzwayo hatshi kancane.


"Sithemba ukuthi ukuba kwenu la eSouth Africa njengabameli babantu bamazwe enu, kuzasiphathisa hatshi ukwakha ubudlelwano bamazwe ethu kuphela, kodwa kuzasenza siphinde sibambisane ekwenzeni isimo sibengcono emhlabeni jikelele".

Okwakhathesi ezokuthengiselana phakathi kweZimbabwe leSouth Africa ziqhubeka zisipha inzuzo enkulu kweleSouth Africa. Umbiko weZimbabwe National Statistics Agency (Zimstat) ukhombisa ukuthi ngenyanga kaMbimbitho lonyaka iZimbabwe ithengisele eleSouth Africa impahla ezibiza amadola ayizigidi ezilikhulu lamatshumi amabili ($120,9 million) kodwa yona yathenga kweleSouth Africa impahla ezibiza amadola edlula izigidi ezingamakhulu amabili lengxenye ($271,6 million).

Impahla abezithengiswa yiZimbabwe kweleSouth Africa zigoqela insimbi ezingasasebenziyo, izilimo, inyama, lezinjiwayo. EleSouth Africa lona belithengisela iZimbabwe izinto ezinkulu ezibalisa imota, ugetsi lokunye. Le yinto umeli we MDC Alliance kweleSouth Africa umnumnzana Austin Moyo athi kuzafuze ikhangelisiswe ngeso elibanzi ngumeli weZimbabwe omutsha umnumnzana Hamadziripi.


"Kufuneka ukuthi uma uyi ambassador ukwazi ukuthi usebenzisane labosomabhizimusi abasuke eZimbabwe bayatshala imali ngaphandle ukuthi ubavulele amathuba ukuthi bayitshale leyimali ezweni labo uzwisise kahle ukuthi ukuze baphume eZimbabwe bayotshala imali ngaphandle nje kungani".

Umnumnzana Moyo uthi umsebenzi omkhulu weyeme emahlombe kahulumende yena okufanale enze isimo ekhaya sikhuthaze ukusungulwa kwamabhizimusi ayiwo azakwenza impahla ezizathengiswa phandle kwelizwe. Uthi njalo uhulumende kufanele azimisele ukulalela izikhalazo lezifiso zabosomabhizimusi ukuze basekele ngokugcweleyo inhloso zakhe zokwakha umnotho welizwe.

please wait

No media source currently available

0:00 0:02:56 0:00
XS
SM
MD
LG