amalinks wokungena

Breaking News

UBarrett Wala Ukutsho Ukuthi Uzawuphatha Njani Umlayo weObamaCare loweRoe v. Wade


U.S. Supreme Court nominee Judge Amy Coney Barrett reacts as she sits in front of her children and her husband Jesse Barrett during the second day of her confirmation hearing before the Senate Judiciary Committee on Capitol Hill in Washington, D.C.

Ukubuzisiswa edale leSenate kwalowo okhethwe nguMongameli Donald Trump ukuba ngumahluli weSupreme Court, uNkosikazi Amy Coney Barrett kungene kulanga lesibili izolo.

UBarrett wale ukuphendula imibuzo yabebandla eliphikisayo elamaDemocrats eyokuthi uzaluphatha njani udaba lomthetho weAffordable Care Act, wona ophikiswa nguTrump kanye lomthetho ovumela abesifazana ukukhupha izisu, osolwa ngabebandla elibusayo elamaRepublicans.

UNkosikazi Barrett uthe ngeke ayiphendule limibuzo ngoba nxa ezangena emthethwandaba weSupreme Court uzakwahlulela amacala elandela umthetho hatshi imbono lemizwa yakhe.

AmaDemocrats ayakusola ukukhethwa kukaBarrett nguTrump esithi ozanqoba kukhetho phakathi kwakhe loMnu Joe Biden nguye omele akhethe lumahluleli.

Isizalwane seZimbabwe esihlala eVirginia uMnu Den Moyo utshele iStudio 7 ukuthi okucunula amaDemocrats yikuthi amaRepublicans avimba umahluleli owayekhethwe nguMongameli Barack Obama ngo2015 sokuzayiwa kukhetho lawo esithi owayezakhethwa nguye owayemele azikhethele umahluli.

please wait
Embed

No media source currently available

0:00 0:02:26 0:00

Facebook Forum

XS
SM
MD
LG