amalinks wokungena

Breaking News

UBiden LoRyan Baqhuba Ingxoxompikiswano Yokhetho


Bezindala zombili ngoLwesine kungxoxompikiswano phakathi komsekeli kaMongameli weMelika uMnu Joe Biden loncintisa engumsekeli kaMnu Mitt Romney kukhetho lokudinga uMongameli welizwe uMnu Paul Ryan.

Inngxoxo mpikiswano le ibikwa ibukelwe yizigidi lezigidi zabantu kumabonakude emhlabeni jikelele.

Ababili laba batshudulane bathwalisana nzima endabeni ezitshiyeneyo ezigoqela ezomnotho welizwe kanye lendlela eleMelika elidlelana ngayo lamanye amazwe womhlaba.

UBiden uvikele umbuso wakhe loMongameli Barack Obama wakhuthaza uzulu ukuthi engaze avotela uRomney loRyan ngoba inhlelo zabo zilakho ukubuyisela ilizwe emuva.

UMongameli Obama loBiden yibo abasembusweni kathesi njalo ngabebandla lamaDemocrats kuthi uMnu Romney loMnu Ryan ngabebandla lamaRepublicans.

UObama loRomney baqhube eyabo ingxoxompikiswano ngeviki edluleyo, njalo uRomney ubikwa enguye onqobileyo. Kodwa ngoLwesine inengi liyavuma ukuthi uBiden nguye onqobileyo.

Ekhuluma ngodaba lwemithelo, uBiden uthe ibandla lakhe lizakhweza imithelo kwabanothileyo ukuze uhulumende athole imali yokuhlawula izikwelede zakhe.

Wengeze wathi uzulu makhaza kasoze akhwezelwe imithelo. Kodwa uMnu Ryan uthe ukukwezela izikhulu imithelo yikubulala umnotho welizwe.

Ababili laba baphathe njalo udaba lweIran yona ebikwa izama ukulungisa izikhali zembubhiso ezenuclear. URyan usole uhulumende kaObama esithi uyehluleka ukuphatha loludaba kuhle, okuyinto elandulwe nguBiden.

Ukuhlaziya loludaba iStudio 7 ixhume isiphathamandla seMDC-T eMelika uMnu Muzi Ncube yena othi ukwenza kuhle kukaBiden kungxoxompikiswano yangoLwesine kulakho ukuphathisa uMnu Obama akuthini anqobe kukhetho olukhona ngenyanga ezayo mhlaka 6.
XS
SM
MD
LG