amalinks wokungena

Breaking News

UBiti Lokhe Egcizelela Ukuthi Iholo Lezisebenzi Kalisoze Likhwezwe


Izisebenzi zikahulumende zithi udaba lokukhwezwa kweholo alusaqondakali ngoba kulemibiko ehlukeneyo ephumayo. Kumaviki amabili adluleyo umphathintambo wezemali uMnu. Tendai Biti uthe iholo lezisebenzi zikahulumende kaliseyi kwengezelelwa. Kwathi ngeviki edluleyo inhloko kahulumende, uMnu. Morgan Tsvangiria walandula limbiko esithi uhulumende kavumelananga ngalelo nyathelo.

Kodwa uBiti uphindile njalo ngolweSibili ukuthi iholo leli lizaqhubeka lilokhu linjalo umnotho welizwe uze ukhuphuke kancane.

Unobhala jikelele wenhlanganiso yamatitshala, iZIMTA, uMnu. Richard Gundane utshele iStudio 7 ukuthi kunzima ukuthi kumiswe ukukhwezwa kweholo yona intengo yezinto iqhubeka iqansa.

‚Äč
XS
SM
MD
LG