Kubotshwe owesilisa weMasvingo obikwa etshele indlamanzi ebhawa ukuthi umbuso kaMongameli Emmerson Mnangagwa mubi njengokaMnu Robert Mugabe.
Amapholisa athi uMnu Douglas Chauke utshele abantu ekade beseMachiya Bar ukuthi akulalutho osolwenziwe nguMnangagwa olukhanyayo ngapahndle kokubulala abantu besiNdebeleni ngeGukurahundi.
Umsolwa ubotshwe ngeviki edluleyo wamiswa emthethwandaba kuthange esetheswa icala lokuthuka kumbe ukweyisa uMnangagwa.
Ukhululwe ngesibambiso se-bail esingena kunkulungwane ezilitshumi zamadola, Z$10,000.
Inhlanganiso yamagqwetha alwela amalungelo, iZimbabwe Lawyers for Human Rights ithi uChauke ungomunye wabantu abanengi asebebotshelwe icala lokuthuka uMnangagwa.
Ithi ngesikhathi sikaMugabe, bedlula amakhulu amabili, 200, abantu ababotshelwa icala elifanayo.