amalinks wokungena

Breaking News

Abakubhizimusi Yokuthengisa Phakathi kweBotswana leZimbabwe Babhekana Lobunzima


OweZimbabwe ethengisa impuphu eFrancistown

Abathenga lokuthengisa imphahla etshiyeneyo phakathi kweZimbabwe leBotswana bakhala omkhulu umkhosi bethi sebebhekana lobunzima ngenxa yokuqonga kwentengo yemphahla enengi eZimbabwe.

Lokhu kutsho ukuthi ukuyathengisa kweleBotswana akusabaletheli inzuzo abakade bevele beyithola ngaphambilini.

Ngesikhathi kungakabi lodubo lokuswelakala kwemali eZimbabwe, abakulumsebenzi bathi bebethola inzuzo enhle kakhulu, phose ingxenye ekhulwini-50%, yemali abayabe bethenge ngayo loba ephethwe kabili.

Umnunzana Rodwell Moyo, ukubhizimusi lokuthenga imithi yezifuyo, ikakhulu eyenkomo eZimbabwe ethengisela amabhizimusi asedolobheni leFrancistown kanye le Gaborone kwele Botswana. Yenake ukhala ngokuthi lokhe kuqale udubo lokusilela kwemali emabhanga, osekukhokhelele ukuqonga kwentengo yemphahla okugoqela imithi yezifuyo, usecabange ukuthi akame ukuthenga esiyathengisa umumo uze ubengcono.

"Impilo yethu igoqela ukuthenga imithi ekhaya sisiyathengisa ngaphandle, kodwa ukukhwela kwentengo kuhle kwabulala kakhulu impilo zethu."UMoyo uthi uhulumende kumele angenele ukuze kusize ngitsho izifuyo, ngenxa yokuthi okufana lamadibha sekudula okwamagama…"Uma uhulumende engangenelanga zizakufa ziphele izifuyo emakhaya, sikhangele abadala abahlala ekhaya ababeke kizo lezi zifuyo, njalo sikhangele lodubo lokuswelakala kwezimali."

Okukhathaza abathengisa ngaphandle kwelizwe yikuthi baphiwa ingcosana yemali emabhanga, kube sekusiba nzimake ukuthi benelise ukuthola imali byokuyawoda ngayo, njalo ngezikhathi ezinengi iyabe ikuhlobo lwemali yama bond notes engasebenziyo emazweni angomakhelwane.

Abanye abaphila ngokuthengisa imphahla yekhaya ethakazelelwa ngabeZimbabwe abaseBotswana okufana lenamnede leMazoe, kanye lelambazi eleCerevita, bathi basamile kancane ngoba intengo zakhona azibavumeli ukuthi baqhubeke okwakhathesi.

"EBotswana kumele ungene uphethe okunye kodwa khathesi ngenxa yokuqonga kwentengo, sekunzima, ngoba akubhadali, kufana lokuzingenisa mahala."

Abanye njalo abakhaliphileyo, sebebona kungcono ukuzama ukuthenga kweleBotswana besisa eZimbabwe ngenxa yokuthi idola leMelika elisetshenziswa ekhaya lilamandla kulePula lakweleBotswana.

Abakubhizimusi eZimbabwe sebethenga okufana leMazoe eSouth Africa, lapho intengo iphansi, kungaphansi kwamadola amabili kunkanti ekhaya ngamadola amathathu kusiyaphezulu.

Udaba lwabathenga lokuthengisa phakathi kweBotswana leZimbabwe siluphiwa nguMartin Ngwenya
please wait

No media source currently available

0:00 0:02:58 0:00

Facebook Forum

XS
SM
MD
LG