amalinks wokungena

Breaking News

Chamisa: Lokhe Sikhulumisana loNkosazana Thokozani Khuphe


UNkosazana Thokozani Khuphe, omunye wabasekeli bomkhokheli webandla leMDC-T, oselesikhathi engabonakali emihlanganweni yenkokheli kusukela owayengumkhokheli walelibandla umnumzana Morgan Tsvangairai esaphila.

Omunye wabasekeli bomkhokheli waleli bandla uMaKhuphe uselesikhathi engaphatheki kunhlelo zebandla kusukela lapho umuyi uMnu. Morgan Tsvangirai enxusa abanye abaxexebuka kuye kumanyano we MDC Alliance lalapho iqula le National Council selikhethe umnumzana Nelson Chamisa ukuba ngosaphethe isikhundla sikamongameli webandla.

Emhlanganweni lentathelizindaba owenzelwe esigodlweni se MDC-T, e Harvest House, wokupha umbono phezu kosekuthe kwenziwa nguhulumende kamongameli Emmerson Mnangagwa, uChamisa uthe imizamo yokuxhumana loMaKhuphe ukulungisisa inkinga ezingaba khona phakathi njengenkokheli iyaqhubeka.

Esekhuluma ngombono webandla phezu kombuso kamongameli Emmerson Mnangagwa phakathi kwensuku ezilikhulu esembusweni, u Chamisa uthi akukho abakuncomayo njengebandla, asekwenzile. Uchaze lesi sikhathi njengesidabukisa inhliziyo njalo kuzinsuku ezimotshakeleyo.

Esephatha ngomanyano wamabandla aphikisayo, owe MDC Alliance, u Chamisa uthi basakhulumisana lomkhokheli webandla le National People’s Party – NPP, unkosikazi Joice Mujuru njalo kusesekhona okusamele kuvunyelanwe anduba abe ingxenye yalumanyano lanxa engachasiselanga intathelizindaba ukuba kuyini.

Okusekelwe ngumsekeli kobona ngezokwethulwa kwemibiko ebandleni lakhe, unkosazana Thabitha Khumalo.

Wagcizelela njalo uMaKhumalo ngokuqakatheka kokukhulumisana loMaKhuphe, ukulungisisa ukungezwani okungaba khona ebandleni.

Uqhubeke ethi njengebandla bakhangelele ukuthi uNkosikazi Mujuru uzaba yingxenye yomanyano we MDC Alliance.

Ubengekho uMaKhuphe emhlanganweni lentathelizindaba, wokwethula imibono yebandla phezu kombuso kaMnangagwa kunsuku ezilikhulu selokhu wangena embusweni.

Udaba lomhlangano wabeMDC-T lentathelizindaba siluphiwa nguMavis Gama
please wait

No media source currently available

0:00 0:05:42 0:00

Facebook Forum

XS
SM
MD
LG