HARARE —
Umphathintambo wezemali umnumzana Patrick Chinamasa lamuhla wethule uluhlu lokuhlelwa kwemali kahulumende, olweBudget yamabillion edlula kancane amane amadollar-$4,42billion, lapho azise uzulu ukuba ilizwe kaliyikubuyela ekusetshenzisweni kwedollar le Zimbabwe. UChinamasa uphange wathembisa ukuthi uhulumende usezakwengeza imali yakwamanye amazwe esetshenziswa elizweni lanxa engabethanga ukuba ngayiphi indlela loba yiphi yankona.
Esethula iBudget yamabillion edlula amane amadollar-$4.42billion kuzulu edale lephalamende lamuhla emini u Chinamasa uveze ukuba kuyadanisa ukubona inengi yalimali ehleliweyo iphelela kundaba zemiholo yezisebenzi.Wathi kodwa uhulumende uthembele emalini ezatholakala ngemva kokulolongwa kokuligugu okubalisa okwenjiwayo okunje ngamadhayimani.
UChinamasa oqonqosele phezu kokuba akuyikuba lenguquko kumithetho elawula phezu kokunikezwa kwamandla kumankampani akuleli kuzizalwane zeZimbabwe olwe Indeginisation lanxa ekhuthaze inkokheli ukuba zibokhuluma ngalimi lunye kungaze kwaba lokungezwisisani kanye lokuba kube lokwethembeka kundaba eziphathelene lokuthengiswa kwama dhayimani kuleli.
Wathi uhulumende usekubone kufanele ukuba alondoloze okwenjiwayo okubalisa amatshe aligugu lapho aveze ukuba akukho golide lingalolongwanga elizathengiswa kwamanye amazwe njengokuxwayisa kukamongameli Robert Mugabe ukuba sekuzamele uhulumende akhangelisise lakundaba zokwethembeki kundaba zokwenjiwa kwamadhayimani.
Sekuzamele uhulumende athuthukise ukusebenza kwebhanga likahulumende ele Reserve Bank, athathe zonke izikwelede zalelibhanga ukuze liphathe umsebenzi walo ngemfanelo utshonjalo uChinamasa.
Uqhubeke ethi enye indlela ezatholisa uhulumende imali kuyikuguqula isikhathi abamahofisi emingceleni lamanye amazwe ngokungezelela amahola okusebenza kulezi ndawo.
Wengeze njalo ethi sekuyamele uhulumende akhangalesise iholo lezisebenzi zakhe ethi kumele lihambelane lomumo kukhangelwa imali esetshenziswa emhulini i Poverty Datum Line.
U Chinamasa uthi kusukela ekuqaleni kwenyanga kaZibandlela womnyak’ozayo ka 2014 uhulumende usezasungula umthelo awuthi yi “ Road Levy.
Lumthelo uzatholakala ngemva kokuqansa kwentengo yamafutha ezimota lapho intengo yamafutha epetulo izakhwela ngamasenti amabili kuthi dizili lalo ngesilinganiso sinye.
Uqonqosele u Chinamasa ukuba umnotho welizwe ungathuthuka kuphela kungalandelwa indlela eziyizo.
Ukuhlaziya loludaba sixoxe lengcwethi kwezokwethulwa kwemibiko, uMnu. Zenzele Ndebele endawonye lengcwethi kwezenotho, uMnu. Rejoice Ngwenya onguye osungula lingxoxo.
Esethula iBudget yamabillion edlula amane amadollar-$4.42billion kuzulu edale lephalamende lamuhla emini u Chinamasa uveze ukuba kuyadanisa ukubona inengi yalimali ehleliweyo iphelela kundaba zemiholo yezisebenzi.Wathi kodwa uhulumende uthembele emalini ezatholakala ngemva kokulolongwa kokuligugu okubalisa okwenjiwayo okunje ngamadhayimani.
UChinamasa oqonqosele phezu kokuba akuyikuba lenguquko kumithetho elawula phezu kokunikezwa kwamandla kumankampani akuleli kuzizalwane zeZimbabwe olwe Indeginisation lanxa ekhuthaze inkokheli ukuba zibokhuluma ngalimi lunye kungaze kwaba lokungezwisisani kanye lokuba kube lokwethembeka kundaba eziphathelene lokuthengiswa kwama dhayimani kuleli.
Wathi uhulumende usekubone kufanele ukuba alondoloze okwenjiwayo okubalisa amatshe aligugu lapho aveze ukuba akukho golide lingalolongwanga elizathengiswa kwamanye amazwe njengokuxwayisa kukamongameli Robert Mugabe ukuba sekuzamele uhulumende akhangelisise lakundaba zokwethembeki kundaba zokwenjiwa kwamadhayimani.
Sekuzamele uhulumende athuthukise ukusebenza kwebhanga likahulumende ele Reserve Bank, athathe zonke izikwelede zalelibhanga ukuze liphathe umsebenzi walo ngemfanelo utshonjalo uChinamasa.
Uqhubeke ethi enye indlela ezatholisa uhulumende imali kuyikuguqula isikhathi abamahofisi emingceleni lamanye amazwe ngokungezelela amahola okusebenza kulezi ndawo.
Wengeze njalo ethi sekuyamele uhulumende akhangalesise iholo lezisebenzi zakhe ethi kumele lihambelane lomumo kukhangelwa imali esetshenziswa emhulini i Poverty Datum Line.
U Chinamasa uthi kusukela ekuqaleni kwenyanga kaZibandlela womnyak’ozayo ka 2014 uhulumende usezasungula umthelo awuthi yi “ Road Levy.
Lumthelo uzatholakala ngemva kokuqansa kwentengo yamafutha ezimota lapho intengo yamafutha epetulo izakhwela ngamasenti amabili kuthi dizili lalo ngesilinganiso sinye.
Uqonqosele u Chinamasa ukuba umnotho welizwe ungathuthuka kuphela kungalandelwa indlela eziyizo.
Ukuhlaziya loludaba sixoxe lengcwethi kwezokwethulwa kwemibiko, uMnu. Zenzele Ndebele endawonye lengcwethi kwezenotho, uMnu. Rejoice Ngwenya onguye osungula lingxoxo.