amalinks wokungena

Breaking News

UChombo Uxotsha Ukhansila WeMDC Umsebenzi eUmguza


Ekuqhubekeni kokulwisana kwakhe lamakhansila amacele eMDC, umphathintambo obona ngentuthuko yezabelo uMnu Ignatias Chombo sexotshe umsebenzi ukhansila kaWard 4 kukhansili yeUmguza emethesa umlandu wokuvimba ukusebenza kuhle kwekhansili.

UMnu Mxolisi Ndlovu lilunga leMDC ekhokhelwa nguMnu Morgan Tsvangirai. Lelibandla belilamakhansila amathathu njalo ngokumiswa kukaNdlovu umsebenzi sokusele amabili.

IMDC ekhokhelwa nguMnu Welshman Ncube yona ilamakhansila amahlanu kuthi aweZanu PF alitshumi lanye.

UChombo udume ngokuxotsha amakhansila eMDC njalo kumaviki edluleyo umise umeya weGwanda uMnu Lionel de Necker umsebenzi.

UNdlovu uqhube umhlangano ngoLwesithathu lezakhamizi zeWard yakhe eNtabazinduna behluza udaba lokuxotshwa kwakhe umsebenzi. Izakhamizi lezi zithi azilamukeli inyathelo likaChombo.

UNdlovu utshele uNtungamili weStudio 7 ukuthi uxotshwe umsebenzi ngoba ehlezi elwisana lokungethembeki okwenziwa ngamakhansila eZanu PF ayiwo akhokhela ikhansili yeUmguza.

XS
SM
MD
LG