amalinks wokungena

Breaking News

UMnu. Cyril Ramaphosa Ukhethwa Ukukhokhela i-ANC


Obengumsekeli kamongameli wele South Africa uMnu. Cyril Ramaphosa nguye osekhokhela ibandla ele ANC

AbeZimbabwe abasebenza kweleSouth Africa bamtshayela ihlombe besithi uRamaphosa okhethwe emhlanganweni we ANC osaqhubeka eJohannesburg ulakho ukudala amathuba omsebenzi okuyiyo into ebalethe kweleSouth Africa.

Kube yinjabulo lentokozo ngemva kwesimemezelo sekomishini yezokhetho esokuthi umnumnzana Cyril Ramaphosa nguye osenqobile ekhethweni lokuba ngumkhokheli we ANC omutsha. URamamphosa unqobe uNkosazana Dlamini-Zuma ngamavoti aphansi kwamakhulu amabili.

Umongameli Jacob Zuma emhlanganweni owebandla lakhe le African National Congress, Jacob Zuma
Umongameli Jacob Zuma emhlanganweni owebandla lakhe le African National Congress, Jacob Zuma

Obengokhokheli waleli bandla umongameli Jacob Zuma uhle wehla esihlalweni lesi kwangena uRamaphosa. Loba kunjalo uZuma ngokomthetho uzaqhubeka engumongameli welizwe kuze kuqhutshwe ukhetho ngo2019.

LabeZimbabwe labo sebemukele ngenjabulo ukunqoba kukamnumnzana Ramaphosa njengoba kuzakuba nguye umongameli welizwe ngemva kokhetho luka 2019. Umnumnzana Ramaphosa ngusomabhizimusi omkhulu, onothileyo.

Umnumzana Cyril Ramaphosa
Umnumzana Cyril Ramaphosa

Isizalwane seZimbabwe umnumnzana Mlungisi Tshabalala uthi lobanje belethemba lokuthi umnumnzana Ramaphosa uzasebenza gadalala ekuthuthukiseni umnotho okuyinto ezabangcinela imisebenzi abayenzayo, kusadingeka babone ukuthi umnumnzana Ramaphosa lenkokheli zakhe ezitsha bazaguqula yini ubudlelwano beSouth Africa leZimbabwe.

"Sesifuze sibone I stand sakhe ngabantu beZimbabwe ukuthi sona simi kanjani. Amapermit nanka abantu bawaphiwa so sesizabona ukuthi under yena azarenewer yini amapermit abantu beZimbabwe abahlezi lapha. Imthetho ebikhona lana into zama volunteer akade belokhu bebopha abantu beZimbabwe behlukunyezwala sesizabona ukuthi kuzahamba njani kumbe lakho kuyaqhubeka kube njalo".

Esinye isizalwane seZimbabwe umnumnzana Big Foster Nkomose uthi akathembi ukuthi kukhona okwehlukileyp umnumnzana Ramaphosa azakwenzela abeZimbabwe.

"Angimboni esiba lotshintsho angalufaka olungagcina luphazamise ukuba khona kwama Zimbabweans. Ngeke phela sithi mumele ukuthi babheke baphinde babhekelele nathi futhi. Konkenje abazokwenza kuzobe kuyikufaka bona abantu babaseSouth Africa phambili, besekusithi lawo amathutshana akhe asalayo yilapho esizangena khona nathi".

Inkokheli entsha eyebandla leANC lakwele South Africa
Inkokheli entsha eyebandla leANC lakwele South Africa

Abanye abakhethwe ndawonye loRamaphosa ukukhokhela leli bandla bagoqela umsekeli wakhe umnumnzana David Mabuza, umgcinisihlalo umnumnzana Gwede Mantashe, unobhala jikelele umnumnzana Ace Mahashule, umgciningcebo umnumnzana Paul Mashatile, labanye.

Ingcwethi ezicubungula ezombusazwe zithi kuzakuba nzima ukusebenza kwalezi ziphathamandla njengoba kuxubene labo abakade besekela uRamaphosa labakaNkosikazi Nkosazana-Dlamini Zuma onqotshiweyo. Lobanje enqotshiwe uDlamini Zuma, kuyacaca ukuthi laye ubelosekelo olukhulu.

Udaba lokunqoba kukaRamaphosa siluphiwa nguBenedict Nhlapho
please wait

No media source currently available

0:00 0:02:41 0:00

Ukuhlazi ukungena kukaRamaphosa kulesi sikhundla uGaynor Gumede weStudio 7, uxoxe lengcwethi ecubungula ezombusazwe, umnumzana Zenzo Nkomo oyisizalwane seZimbabwe esesihlala kwele South Afrca. Yenake uthi bona njengamaZimbabwe bayemukela ngenjabulo ukukhethwa kwakhe.

"Ngimbuka njengomuntu ozoba usizo olukhulu kusimo iZimbabwe ebhekane naso, ngoba uCyril Ramaphosa ukhethwa njengoba engumuntu ongazange waba phandle kwelizwe, akazange abe liguerilla okwehlukene lokweZimbabwe ukuthi umuntu ongenazo lezo mpawo, angazake wangena, laloba waba khona emzabalazweni."

please wait

No media source currently available

0:00 0:02:19 0:00

Facebook Forum

XS
SM
MD
LG