amalinks wokungena

Breaking News

Udaba LwamaPrimaries KuMDC-T Ludala Inkulumo

  • Ntungamili Nkomo

Sokuqhamuke ukukhonona phakathi kweMDC-T ngodaba lokukhethwa kwamalunga azancintisa kukhetho lwamaprimary elections.

Ngempelaviki kulabasekeli balelibandla abedlula inkulungwane abafole ezitaladeni betshengisela phezu kokwalelwa kukaMnu Regai Tsunga ukuthi ancintise eMutasa South.

Abantu laba bebethwele amabhakane axwayisa ibandla ukuthi livumele intando kazulu njalo lingaze lenza njengeleZanu PF.

IMDC-T ithi ivimbe uMnu Tsunga ngoba eke waqoqa umdlalo wegolufu wokuthakazelela ilanga lokuzalwa kukaMongameli Mugabe.

EMarondela abasekeli balelibandla babikwa bekhonona kakhulu ngokuvunyelwa kukaNkosikazi Tracey Mutinhiri ukuthi ancintise.

UMutinhiri uxotshwe kubandla leZanu PF ngo2011 esetheswa icala lokudlelana leMDC.

Kunjalo nje iMDC-T iyakulandula ukuthi ivimbe uMnu Gorden Moyo ukuthi ancintise eMakoba kanye loMnu Solomon Madzore ukuthi ancintise eDzivarasekwa.

Isiphathamandla salelibandla, uMnu Abednico Bhebhe utshele uMnu Moyo ukuthi nguye yedwa ofake amaphepha okuthi ancintise eMakokoba.
XS
SM
MD
LG