amalinks wokungena

Breaking News

Udaba Lwamabhanga Akwamanye Amazwe Luqhubeka Lusidla Ubhedu


Udaba lokubamba amabhanga akwamanye amazwe ngamandla ukuthi athengisele abensundu izabelo phansi komthetho weIndigenization and Economic Empowerment Act luqhubeka luludaba egudwini kuhulumende womayano.

Umthetho lo uthi amankampani akwamanye amazwe asebenzela elizweni kumele athengisele izizalwane zeZimbabwe ezinsundu isabelo sokulitshumi lanye ekhulwini, 51%.

Umphathintambo obona ngokuthuthukiswa kwabensundu kwezenotho, uMnu Savior Kasukuwere uthi umphathintambo wezemali uMnu Tendai Biti kumele avume ukuthi umthetho lo ugoqele amabhanga afana leStandard Charterd, Baclays leStanbic.

Kodwa uBiti losibalukhulu webhanga elikhulu lelizwe uMnu Gideon Gono bayakwala lokhu besithi inyathelo leli lizabangela ukubhidlika komnotho. Ababili laba babikwa sebelobele uMongameli Mugabe bemxwayisa ukuthi engaze avumela uKasukuwere ephambanisa amabhanga la.

Bathi njalo nxa bekhona abensundu abafuna ukuvula amabhanga bavunyelwe ukucela imvumo kubo njalo bazanikezwa amalayisensi nxa belazo zonke indingeko.

XS
SM
MD
LG