amalinks wokungena

UDaniel Molokele Ufisa Ukuncintisa Kukhetho Oluzayo Ekubandla leMDC-T

  • Bennedict Nhlapho

Daniel Molokoele

UMnumnzana Daniel Molokele, oligqwetha njalo esaziwa kakhulu kwezokulwela amalungelo ezizalwane zeZimbabwe kweleSouth Africa, uthi usecabange ukulubhekisa ekhaya ayencintisa ukumela indawo ye Hwange Central edale lephalamende.

UMolokele uthe njengabasemazweni akubasizi ukuthi bamelele ukuthi inguquko lentuthuko abayifunayo ilethwe ngabanye.

UMolokele udume kakhulu ngeminyaka yabo 1999, emisebenzini yakhe yokulwela amalungelo ezifundi eUniversity of Zimbabwe.

Qede lapho walubhekisa kwele South Africa lapho afike waduma khona ngokubumba inhlanganiso ezitshiyeneyo ezilwela amalungelo abeZimbabwe.

Khathesike uthi usecabange ukubuyela eZimbabwe ayelwela amalungelo ezizalwane ze Hwange Central kanye lelizwe lonke edale lephalamende.

“Ngithi bantu beHwange ngicela lingivotele ngoba ngingumntwana wasekhaya. Umuntu ozelwe eHwange, okhulele eHwange, owaziyo izinhlupho zabantu beHwange. Ngoba ubuhlungu esibubonayo khathesi kumele buphele. Ngilabantu engibaziyo at national level, internationally iDiaspora yonke bayangazi. Ngisebenze kakhulu lama Zimbabwe, ngasebenza lamanye ama Africa ngiyaziwa. So ngingumuntu oyaletha iHwange onto the spot light.”

UMolokele uthi uzancintisa emele ibandla leMDC-T okuyinto engasoke ibelula njengoba lindawo imelwe ngumnumnzana Brain Tshuma owebandla leMDC-T.

Kodwa uMolokele uthi kuzakhulunyiswana andubana kuhlelwe ukuthi ukhona otshiyela omunye kumbe baqwaqwazane ekhethweni lwebandla.

Abanye njalo bathi uhlupho yikuthi njengomuntu osehlale kweleSouth Africa kuzabanzima ukuthi athole uxhaso kubavoti. Yenake uthi yena lemuli yakhe ngabantu abaziwayo kakhulu eHwange kanti ungumuntu ohlala esiya ekhaya.

Leyinto efakazwa ngesinye isizalwane seHwange uMnumnzana Joyce Mwembe yena okhethe ukukhuluma ngolwakibo khonale eHwange olwesiNyanja.

UMolokele ngumuntu okhulele eHwange njalo owaziwa kakhulu eHwange.Ngumuntu olobudlelwano obuhle labantu.

Uyathanda umuntu wonke akakhethi loba ungumShona, uliNdebele, ungumTonga kumbe ungumNyanja akakhethi. Ekolitshini leUZ ukewaba ngumkhokheli wezifundi ngakho kusobala ukuthi ulolwazi lokukhokhela.

UMolokele uthi usezazisile inkokhele zaleli bandla kugoqela lomkhokheli walo umnumnzana Tsvangirai kanti bonke sebememukele.

Yenake uthi afuna ukukulungisa kule indawo yibuyanga osebubangelwe yikuwa kwenkampani Hwange Colliery eyiyo ebambe umnotho walindayo. Uthi ufuna ukuncedisana labantu bakibo ukuze basuse umnotho walindawo ekweyameni emisebenzini yamalahle igxile kokunye njengalokho okwenziwa yiJohannesburg ngesikhathi kuvalwa imigodi yegolide eyadala leli dolobho.

Uthi njalo okuzakwenza kube lula kuye ukuthola uxhaso kulindawo yikuthi ucelwe yibo abantu beHwange ukuthi ayebamela ephalamende.

UMolokele uthi okusemqoka nxa sekubhekwe ekhethweni luka 2018 yikuthi umuntu wonke ayebhalisa ukuze avote.

“Sikhuthaza abantu ukuthi basuke ngobunengi babo bayebhalisa. Sikhuthaza ukuthi ama NGO lawo bancedise ukukhankasa abantu esingathi yi voter education, voter awareness, voter mobilization. Njalo futhi njengeparty ma lizwile siyaqalisa uhlelo lwethu lathi simobilizer amavoters ukuthi ba register.”

Okwamanjeke uMolokele ukhuthaza abasemazweni ukuthi benze okufanayo bayelwela amalungelo endawo abazalwa kuzo kanti yena uthi usezimisele ukubopha imitshaqana yakhe alubhekise ekhaya, eyekwenza lokhu ehlala eZimbabwe.

Facebook Forum

XS
SM
MD
LG