amalinks wokungena

Breaking News

Amapholisa Athi Azajezisa Kabuhlungu Abantu Abazakhuthaza Udlakela Ngesikhathi Sokhetho


USenior Assistant Commissioner Charity Charamba loSenior Assistant Commissioner Erasmus Makodza bakhuluma lentathelizindaba eHarare, Apr. 23, 2018.

Amapholisa aweZimbabwe Republic Police asebenzela kuhlangothi oluphansi kwekhomishini ebona ngezokhetho, eye National Elections Committee, bathi akumelanga amabandla ezombusazwe akhuthaze udlakela.

Bathi kumele alandela okwethulwe nguhulumende kaMongameli Emmerson Mnangagwa othi kumele kwenziwe ukhetho olungeladlakela njalo olubalulekileyo.

Lokhu kuphume emhlanganweni abawenze lentathelizindaba eHarare besazisa ngenhlelo abalazo zokuvikela udlame ngesikhathi sokhetho lwalonyaka.

Ekhuluma emele amapholisa, uSenior Assistant Commissioner Erasmus Makodza, uthe abazatshaya kumbe bethulele amalunga amanye amabandla bazabotshwa bejeziswe kabuhlungu.

Uphinde wacela amabandla ezombusazwe ukuthi asebenze kahle lamapholisa ngaphambilini kokhetho, ngesikhathi sokhetho lalapho ukhetho solwenziwe njengoba wonke umuntu efuna ukungena kukhetho oluzayo kulokuthula.

Ingcitshi yezombusazwe, uMnu. Pride Mkono, uthe uyakukhuthaza okwenzwe ngamapholisa njengoba lokhu kungakhuthaza ukuthi inengi likazulu lingene kukhetho lwalonyaka.

Isikhulumeli samapholisa, uSenior Assistant Commissioner Charity Charamba, uthe amapholisa asenikwe iziqondiso ezintsha zokusebenza ngemva kokungena kukaMnangagwa esikhundleni.

Uthe bazabotshwa bazajeziswa labo abakhuthaza udlakela kungelani lokuthi ngowaliphi ibandla njengoba kungasafani lakudala.

Isakhamizi seHarare, uNkosikazi Palmer Dube, uthe uvumelana lokukhulunywa ngamapholisa.

Esinye isakhamizi seHarare, uMnu. Carrington Denhere, uthe amapholisa akumelanga akhangele abamabandla awezombusazwe kodwa uzulu wonke jikelele njengoba kulabanye abathanda umsindo kuphela.

Kujayele ukuba lodlakela olumangalisayo ngesikhathi sokhetho kwele Zimbabwe.

Udaba Esilethulelwe NguGibson Bhebhe
please wait

No media source currently available

0:00 0:04:02 0:00

Facebook Forum

XS
SM
MD
LG