amalinks wokungena

Breaking News

Abantu Kabahlaliseki Ngodlakela Phakathi Kwabatsha beZanu PF leMDC-T


FILE: Kwake kwaba lodlakela olumangalisayo eHarare phakathi kwamalunga eMDC-T lawebandla leZanu PF.

NgoLwesithathu ekuseni amapholisa abonakale elinde umgwaqo ophambili kwe Harvest House loya eXimex Mall ngemva kokuqhamuka kodlakela kuleyo indawo.

Uzulu waseHarare uthi ingxabangxoza ebekhona phakathi kwabasakhulayo abeMDC ekhokhelwa nguMnu. Morgan Tsvangirai labaphila ngokuthengisa emavinkilini aweXimex Mall, eHarare, yisibonelo sokuthi umumo elizweni ngesikhathi kuqhutshwa ukhetho lwalonyaka uzab’ungamanga kahle njalo kuzaba lodlakela.

Ingcwethi ezicubungula ezobusazwe kanye lozulu jikelele bathi izehlakalo zodlakela ezinje ziveza ukuthi akula nguquko elizweni laloba sokube lenguquko engatsho lutho ebandleni leZanu PF kungasela owayengumongameli uMnu. Robert Mugabe.

Isakhamuzi seHarare, uMnu. Pascal Madiri, uthi udlakela luzabakhona ngempela ngoba uzulu kakafundi ukwamukela imibono etshiyeneyo kwezombusazwe.

Wengeze esithi uMnu. Emmerson Mnangagwa kufuze azame ukuqondisa loludaba ngokukhuthaza ukufundiswa kukazulu langokungatshotshozeli udlakela ngesikhathi sokhetho ngokukhuza ikakhulu abasakhulayo abebandla lakhe eleZanu PF abalomkhuba wokusetshenziswa ngabezombusazwe ukuqala lokulwisana labangasekeli lelo bandla kumbe abalembono eyehlukene leyabo.

Kwesatshwa ukuthi kulabatsha abebandla leZanu PF abenza kubelodlakela eHarare.
Kwesatshwa ukuthi kulabatsha abebandla leZanu PF abenza kubelodlakela eHarare.

Ingcwethi ecubungula ezombusazwe, uMnu. Leopold Munhende, uthi kusobala ukuthi kuzaba lodlakela ngesikhathi sokhetho njalo uMnangagwa kufuze atshengise ukuthi uqinisile ukuthi akusoze kubenjalo ngokubopha amalunga awebandla leZANU PF ayetshaya abantu lawe MDC-T abangele umsindo ngoLwesibili.

Umkhokheli webandla le Zimbabwe Communist Party, uMnu. Ngqabutho Mabhena, uthe umsindo obekhona eXimex Mall uyethusa ngoba uveza sobala ukuthi kulabantu abalezikhali phakathi kukazulu njengoba kuvele ukuba kwabakade belwisana kube labanye abakade belemibhobho.

UNkosikazi Similo Maphosa, isakhamuzi saseHarare, uthi sokuyinjwayelo eZimbabwe ukuthi kubelodlakela ngesikhathi sokhetho eZimbabwe.

Kubelokulwisana phakathi kwabasakhulayo abeMDC-T labathengisela eXimex Mall ngoLwesibili lapho okucine kukhala imibhobho kwatshaywa abanye abantu ababhidlize lempahla emahofisini esigodlo sebandla leMDC-T ese Harvest House esitshaywe ngamatshe kwafa amafasithela leminyango.

Imibiko ebiphuma ezindabeni eminye ibiveza ukuba abasakhulayo abe Zanu PF bebelwisana labaphila ngokuthengisa eXimex Mall abacine bebalekela eHarvest House okubangele ukulwiswa emahofisini ebabandla le MDC-T.

Kodwa-ke kulelinye icele elithi ngabasakhulayo abebandla leMDC-T abaqale lumsindo abacine bexotshaniswa ngabaphila bethengisa baze babalekela emhofisini abo.

UMongameli Mnangagwa wathembisa emazwini akhe wokuqala umsebenzi ukuthi ukhetho lwa lonyaka alusoze lubelodlakela njengeminyaka edluleyo.

Udaba Esilethulelwe NguGibson Bhebhe
please wait

No media source currently available

0:00 0:04:52 0:00

Facebook Forum

XS
SM
MD
LG