JOHANNESBURG —
Udlakela lwezokucwasana ngobuzwe obelubhekiswe kwabakwamanye amazwe kwele South Africa ngo 2008, yisehlakalo esatshiya abakwamanye amazwe bethukile kakhulu. Ngaleso sikhathi kwabulawa abantu abafika amatshumi ayisithupha kwathi izinkulungwane zabantu bakwamanye amazwe zabaleka emizini yazo. Ingxoxo esanda kuqhutshwa nguhulumende wakwele South Africa ndawonye lenhlanganiso ezizimeleyo lezimela izisebenzi, ziveza ukuthi iXenophobia ilokhu isadla ubhedu kwele South Africa.
Impi yokucwasana ngobuzwe, edume ngelithi Xenophobia ngesikhiwa, ivuse ikhanda ngo 2008 elokitshini elihlala abayanga ele Alexandra eJohannesburg. Izakhamizi zakwele South Africa kuleli lokitshi zasukela abakwamanye amazwe zibaxotsha ngodlakela, zifuna baphume baphele ngoba zisithi yibo abadala amacala kugoqela lokubatshontshela abafazi.
Kwasukela laphoke ukuhlukunyezwa kwabakwamanye amazwe kwamemetheka ilizwe lonke. Lesi senzo senza ukuthi eleSouth Africa lisolwe kakhulu ngumhlaba wonke, ngesikhathi kuvela kumaphephandaba lakubomabona kude imifanekiso yezizahlane zakwamanye amazwe ezazikhandwa ngamatshe zize zife abanye betshiswa ngomlilo.
Lokhu kwenza ukuthi uhulumende lenhlanganiso ezizimeleyo basukumele phezulu, okwenza benelisa ukumisa loludlakala, kodwa ngaleso sikhathi kwase kubulewe abantu abafika amatshumi ayisithupha kwathi izinkulungwane zabaleka emakhaya.
Sekubuye kwavelake emhlanganweni obuphakathi kukahulumende, inhlanganiso ezizimeleyo lezezisebenzi, ukuthi udlakela olubhekiswe kwabakwamanye amazwe luqhubekela phambili elizweni.
Inhlanganiso ye African Centre for Migration and Society eUniversity ye Witwatersrand, iveze ukuthi ngomnyaka ka 2011 kubulewe abakwamanye amazwe abedlula ikhulu kwele South Africa (120) kwaba linani phose elifanayo lelomnyak’ophelileyo ka 2012, ikhulu lamatshumi amane(140), bonke bebulawa phansi kwezimo ezihambelana lokuhlukunyezwa kwabakwamanye amazwe.
Ezinye inhlanganiso ezizimeleyo ezigoqela eye Consortium for Refugees and Migrants, lazo ziyagcizelela ukuthi ukuhlukunyezwa kwabakwamanye amazwe kakuzange kuphele ngo 2008.
Inengi lithi nxa uhulumende engasezanga lamacebo ajulileyo wokwakha ubudlelwabo phakathi kwabakwamanye amazwe lezizalwane zakwele South Africa, isimo singaguquka sibe sibi.
Ingcitshi zona zithi uhulumende wele South Africa kufanele asebenze gadalala ekudaleni imisebenzi lokuqeda ubuyanga njengoba kuyizo izinto ezidala ingxabano, izizalwane zakuleli zisithi abokuza babathathela imisebenzi.
Impi yokucwasana ngobuzwe, edume ngelithi Xenophobia ngesikhiwa, ivuse ikhanda ngo 2008 elokitshini elihlala abayanga ele Alexandra eJohannesburg. Izakhamizi zakwele South Africa kuleli lokitshi zasukela abakwamanye amazwe zibaxotsha ngodlakela, zifuna baphume baphele ngoba zisithi yibo abadala amacala kugoqela lokubatshontshela abafazi.
Kwasukela laphoke ukuhlukunyezwa kwabakwamanye amazwe kwamemetheka ilizwe lonke. Lesi senzo senza ukuthi eleSouth Africa lisolwe kakhulu ngumhlaba wonke, ngesikhathi kuvela kumaphephandaba lakubomabona kude imifanekiso yezizahlane zakwamanye amazwe ezazikhandwa ngamatshe zize zife abanye betshiswa ngomlilo.
Lokhu kwenza ukuthi uhulumende lenhlanganiso ezizimeleyo basukumele phezulu, okwenza benelisa ukumisa loludlakala, kodwa ngaleso sikhathi kwase kubulewe abantu abafika amatshumi ayisithupha kwathi izinkulungwane zabaleka emakhaya.
Sekubuye kwavelake emhlanganweni obuphakathi kukahulumende, inhlanganiso ezizimeleyo lezezisebenzi, ukuthi udlakela olubhekiswe kwabakwamanye amazwe luqhubekela phambili elizweni.
Inhlanganiso ye African Centre for Migration and Society eUniversity ye Witwatersrand, iveze ukuthi ngomnyaka ka 2011 kubulewe abakwamanye amazwe abedlula ikhulu kwele South Africa (120) kwaba linani phose elifanayo lelomnyak’ophelileyo ka 2012, ikhulu lamatshumi amane(140), bonke bebulawa phansi kwezimo ezihambelana lokuhlukunyezwa kwabakwamanye amazwe.
Ezinye inhlanganiso ezizimeleyo ezigoqela eye Consortium for Refugees and Migrants, lazo ziyagcizelela ukuthi ukuhlukunyezwa kwabakwamanye amazwe kakuzange kuphele ngo 2008.
Inengi lithi nxa uhulumende engasezanga lamacebo ajulileyo wokwakha ubudlelwabo phakathi kwabakwamanye amazwe lezizalwane zakwele South Africa, isimo singaguquka sibe sibi.
Ingcitshi zona zithi uhulumende wele South Africa kufanele asebenze gadalala ekudaleni imisebenzi lokuqeda ubuyanga njengoba kuyizo izinto ezidala ingxabano, izizalwane zakuleli zisithi abokuza babathathela imisebenzi.
