Udaba Esisanda Kuluthola *********************
Umhlangano wedale leCentral Committee webandla leZanu PF usunqume ukuba uMongameli Robert Gabriel Mugabe akhitshwe ukuba ngumkhokheli webandla.
Lumhlangano owenzelwe esigodlweni seZanu PF eHarare uvumelene njalo ukuthi kuxotshwe njalo umkokheli wohlangothi lwabesifazana uNkosikazi Grace Mugabe leziphathamandla ezimbalwa ezigoqela oMnu. Savior Kasukuwere, Phelekezela Mphoko, Jonathan Moyo, Ignatious Chombo, labanye.
UMnu. Emmerson Mnangagwa uhle wakhethwa ukuba abe phethe isikhundla sokuba ngumkhokheli webandla leZanu PF kuze kwenziwe umhlangano omkhulu webandla leli ngenyanga ezayo.
Lokhu konke kubikwe nguMnu. Patrick Chinamasa unobhala jikelele obona ngezemithetho onguye njalo ocele uMnu. Obert Mpofu ukuba ngumgcinisihlalo womhlangano wanamhlanje.
Okunengi sizakwethulela ngokuya kwezikhathi............