BULAWAYO —
Izakhamizi zeBulilima emkhonweni wePlumtree eMatabeleland South ziqhubeka ziswela amanzi ahlanzekileyo okunatha ngemva kokuba izibhorane eziyisitshiyagalolunye phakathi kwezingamatshumi amabili lantathu ziswele ukugobhoza amanzi ngenxa yokoma lokuswelakala kwezulu elacina kudala ukuna. Konke lokhu kuphume embuthanweni obuseBulilima lapho IUNICEF ebiyehlola ukuqutshwa kwenhlelo zayo zentuthuko zokuphathisa uzulu wasemaphandleni kulumango.
Ekwethekeleleni kwequla lenhlanganiso yeUNICEF esiqintini seBulilima eliyilo eliphathisa inhlelo zokutholakala kwamanzi kufunyenwe ukuthi isigaba sonke seMandebeleni sibhekane lodubo olukhulu olwedlula ezinye izigaba zelizwe ngoba amanzi etholakala nzima laloba kusenjiwa izibhorane.
Ekhuluma lomsakazo weStudio Seven, uMnumzana Morgan Ndebele oyisakhamuzi seBulilima, uthi besebekhangelele ukuthola amanzi ngaphansi kohlelo lweDFID, UNICEF logatsha lwamanzi kodwa sebedaniswe yikoma okulindawo osekwenze kwaswelakala amanzi lanxa kugejwa okwamamitha alikhulu lamatshumi amabili – 120m. Kubika uNothando Sibanda eseBulilima eMatebeleland South.
Ekwethekeleleni kwequla lenhlanganiso yeUNICEF esiqintini seBulilima eliyilo eliphathisa inhlelo zokutholakala kwamanzi kufunyenwe ukuthi isigaba sonke seMandebeleni sibhekane lodubo olukhulu olwedlula ezinye izigaba zelizwe ngoba amanzi etholakala nzima laloba kusenjiwa izibhorane.
Ekhuluma lomsakazo weStudio Seven, uMnumzana Morgan Ndebele oyisakhamuzi seBulilima, uthi besebekhangelele ukuthola amanzi ngaphansi kohlelo lweDFID, UNICEF logatsha lwamanzi kodwa sebedaniswe yikoma okulindawo osekwenze kwaswelakala amanzi lanxa kugejwa okwamamitha alikhulu lamatshumi amabili – 120m. Kubika uNothando Sibanda eseBulilima eMatebeleland South.
