amalinks wokungena

Breaking News

'Lukhulu Udubo Lomkhuhlane Wofuba lweTB Emigodini Emba Igolide'


Abenhlanganiso zezempilakahle abangena umhlangano wamalanga amathathu eHarare, wokuhlaziya udubo lomkhuhlane wofuba emigodini lapho okwenjiwa khona amatshe aligugu, awegolide, ayavuma ukuba lukhulu udubo lomkhuhlane weTB ohlasela abantu emsebenzini, ngemva kokuqhamuka kweSilicon ebangela uhlobo lofuba olungelaphekiyo olwe Silicosis.

Ingcwethi kwezempilakahle eZimbabwe zitshele intathelizindaba emhlanganweni lo ukuba abukho ubufakazi obanelayo obuveza ubukhulu bodubo lomkhuhlane wofuba kulabo abasebenza emigodini, okucatshangelwa ukuba inani lingaba liphezulu, kukhangelwa amazwe asesigabeni sangezansi kwezwekazi leAfrica okubalisa ele Lesotho, Mozambique and South Africa.

Abahlanganyo babalisa abenhlanganiso ezisebenzelana lozulu kudaba lokukhankasela lokumfundisa phezu komkhuhlane wofuba okubalisa eye Rehabilitation and Prevention of Tuberculosis esigabeni sangezanzi kwelizwe okubalisa isigaba seNkabazwe, eMasvingo kanye lasemaNdebeleni.

Umnumzana Freddy Mloyiswa Mutsvairo uCommunity TB Program Officer kulenhlanganiso utshele intathelizindaba ukuba injongo yenhlanganiso yakhe yikwehlisa inani labalahlekelwa yimpilo ngenxa yomkhuhlane wofuba ngezizatho ezimbalwa.

Uthi bona njengenhlanganiso basebenzelana kakhulu lozulu ezabelweni ukuhlanyela ulwazi phezu komkhuhlane wofuba lokhuthi bengenzani nxa besebenza endaweni ezilentuli ezifana lemigodini.

Kuvele sobala ukuba lumele lukhangelisiswe uhlangothi lwabemba amatshe aligugu, bengabazimeleyo njalo abanye babo besenza lumsebenzi okungekho emthethweni, abafana labo makorokoza.

Loluhlangothi lubikwa luyilona olulenani labaphatheke emsebenzini yokwemba lanxa amalunga alo amanengi engabhaliswanga ukuba baphatheke emisebenzini.

Ukhangelelwe ukuphuma lezinqumo lumhlangano ekuqgitshweni kwawo, ezizakutsho ukuba eleZimbabwe liqhube nhlelo bani ukulwehlisa udubo lomkhuhlane wofuba kulabo abasebenza emigodini, asebatshiya umsebenzi kanye labasezabelweni lapho asebatshiya umsebenzi

XS
SM
MD
LG