Uhlangothi olubona ngezomkhathi olwe Meteorological Services Department soluqalise uhlelo lokuhlanyela amayezi ezulu, ezigabeni ezimbalwa zelizwe.
Uhlelo lolu lwenziwa nje ngoba ilizwe selibhekane lokusilela kwezulu, osokutshiye izilimo sezitshile, ngoba ilanga litshisa kakhulu. Umqondisi wohlangothi lolu uMnumzana Tich Zinyemba utshele iphephandaba leHerald ukuthi umsebenzi lo uzakwenziwa eMashonaland, Midlands, Manicaland leMatebeleland North.
Kodwa ezinye izigaba zelizwe ezifana lako Bulawayo le Masvingo imizamo yokuthi izulu line ngokuhlanyela amayezi ayizake iphumelele.
UBrenda Moyo owe Studio 7 ukhulume lengcwethi kwezokulima uMnumzana Mandla Nkomo ochasisa ukuqhutshwa kwe cloud seeding le.
