amalinks wokungena

UGrace Mugabe Ulimala Engozini Yemota Umkakhe Esanda Kubuyela eZimbabwe


UMongameli Robert Mugabe lomkakhe, uNkosikazi Grace Mugabe.

UNkosikazi Grace Mugabe, umkaMongameli Robert Mugabe, ulimele ngoMgqibelo esanda kwehla indizamtshina ebithwele yena loMugabe obeyekwelatshwa kwele Singapore.

Umsakazo weZimbabwe Broadcasting Corporation ubika ukuthi uGrace Mugabe ulimele inqagala eseHarare Airport bezama ukungena emoteni ezibathwalayo.

UMnu. George Charamba, isikhulumeli sikaMugabe, uthe uNkosikazi Mugabe uhanjiswe esibhedlela samadokotela esizimele sodwa lapho ahlolwe khona kwabonakala ukuthi kalimalanga kakhulu.

IZBC ithe uNkosikazi Mugabe ubelokhe ekhala ngenqagala ebuhlungu esesuka endaweni leyo engaqanjwanga ngegama.

UMugabe wasuka kwele Zimbabwe ngoLwesihlanu ngeviki ephelileyo elubhekise eSingapore lapho ajayele ukwelatshwa khona amehlo.

Bakhona abathi ugula efihla ngoba kukhanya engani ulomkhuhlane wemvukuzane. Uhulumende uyakulandula lokhu.

Lokhu ngokwesithathu lonyaka ukuthi uMugabe ayehlolwa eSingapore.

Uzulu ukhala ngokuthi usebenzisa imali enengi okumangalisayo yokumelapha kulelolizwe ngesikhathi umnotho welizwe leZimbabwe ubhidlika okumangalisayo.

Facebook Forum

XS
SM
MD
LG